ەلوردادا «مەنىڭ اتىم قوجا» كەيىپكەرىنە ەسكەرتكىش ورناتىلدى

بۇل تۋرالى قازاقپارات تىلشىسىنە اكىمدىكتىڭ باسپا ءسوز قىزمەتى حابارلادى.

شارا قازاقستانداعى «بالالار جىلى» اياسىندا ۇيىمداستىرىلعان. 1963 -جىلى «مەنىڭ اتىم قوجا» شىعارماسى جەلىسىمەن «قازاق فيلم» ستۋدياسى تۇسىرگەن بالالار فيلمىندەگى قوجا كەيىپكەرىنە ورناتىلعان ەسكەرتكىشتىڭ جالپى بيىكتىگى 183 س م، قولا، گرانيت ماتەريالدارىنان جاسالعان. يدەيانىڭ اۆتورى مۇرات قوجامقۇلوۆ، ءمۇسىنشى تالاپحان ازامات.

ايتا كەتسەك، «مەنىڭ اتىم قوجا» - 1957 -جىلى جازىلعان، قازاق بالالار ادەبيەتىنىڭ وزىق تۋىندىلارىنىڭ ءبىرى سانالاتىن پوۆەست.

اۆتورى - بالالار ادەبيەتىنىڭ كلاسسيگى بەردىبەك سوقپاقبايەۆ. ول ورىس، ۋكراين، فرانسۋز، ليتۆا، لاتىش، وزبەك تىلدەرىنە اۋدارىلعان. 1963 -جىلى «قازاق فيلم» ستۋدياسىنىڭ وسى شىعارماسى بويىنشا جازىلعان كينوسەناري ەكرانعا شىقتى. ەسكەرتكىشتىڭ رەسمي اشىلۋى ەرتەڭ ساعات 11.00-دە «جەتىسۋ» ساياباعىندا وتەدى.

اۆتور: ەسىمجان ناقتىباي