نۇر-سۇلتاندا اباي تۋرالى كىتاپتىڭ تانىستىرىلىمى ءوتتى - فوتو
قازاقپارات بۇل تۋرالى قالا اكىمدىگىنىڭ رەسمي سايتىنا سىلتەمە جاساپ حابارلايدى. كىتاپتىڭ اۆتورى ازەربايجان تاريحشىسى، ساياساتتانۋشى، ازەربايجان س ۆ س تەلەارناسىنىڭ «سىرتقى ىستەر اسپەكتىلەرى» باعدارلاماسىنىڭ جۇرگىزۋشىسى، ازەربايجان مەملەكەتتىك كوميتەتىنىڭ دياسپورالارمەن جۇمىس جونىندەگى ساراپشىسى تەيمۋر اتايەۆ.
تاريحنامادا العاش رەت ابايدىڭ ماڭگى وشپەس ويلارىن قۇران اياتتارىمەن سالىستىرۋعا تالپىنىس جاسالعان. ويشىل يدەيالارىن تولىق ءتۇسىنۋ ءۇشىن اۆتور قازاق تاريحىنىڭ ماڭىزدى بەتتەرىنە جانە اقىن ءومىربايانىنىڭ ماڭىزدى ەپيزودتارىنا جۇگىنەدى.
ونىڭ پىكىرىنشە، بۇل ابايدىڭ بارلىق ۋاقىتتا دا وزەكتى بولىپ تابىلاتىن ولەڭ جولدارىن تەرەڭىرەك تۇسىنۋگە مۇمكىندىك بەرەدى.
دوستىق ۇيىندە وتكەن ءىس-شارا ازەربايجان رەسپۋبليكاسىنىڭ ەلشىلىگىمەن بىرلەسىپ ۇيىمداستىرىلدى.
ت. اتايەۆ ءوز سوزىندە قازاقستان حالقى اسسامبلەياسى - ەل ساياساتىن جۇزەگە اسىرۋ ءۇشىن قۇرىلعان الەمدە تەڭدەسى جوق قوعامدىق ينستيتۋت ەكەنىن اتاپ ءوتتى. ال نۇر-سۇلتان قالاسى ىشكى ساياسات باسقارماسىنىڭ باسشىسى داۋرەن بابامۇراتوۆ قوناقتارعا ەتنوسارالىق كەلىسىمنىڭ قازاقستاندىق ۇلگىسى تۋرالى ايتىپ بەردى.
شاراعا قاتىسۋشىلار ەتنومادەني بىرلەستىكتەردىڭ كابينەتتەرىندە بولىپ، ەتنوستاردىڭ كوپ عاسىرلىق تاريحىمەن جانە مادەنيەتىمەن تانىستى.