بيۋللەتەندەرگە قاراپ، ەلدىڭ قازاق ءتىلدى جانە ورىس ءتىلدى حالقىنىڭ پايىزى ەسەپتەلەدى- مىس.
بۇل مالىمەت شىندىققا جاناسپايدى، دەپ حابارلايدى قازاقپارات. پارلامەنت سەناتىنىڭ دەپۋتاتى نۇرتورە ءجۇسىپ Facebook-تەگى پاراقشاسىندا اتالعان اقپاراتتى جوققا شىعاردى.
«الەۋمەتتىك جەلىدە رەفەرەندۋمعا بەرىلگەن جاۋاپتى ەكى تىلدە سانايدى ەكەن دەگەن اقپارات جەلدەي ەسىپ ءجۇر. بۇل تۇبىرىمەن دۇرىس ەمەس! ازاماتتار ءوز قۇقىعىن ءبىلۋى ءتيىس. رەفەرەندۋم تۋرالى زاڭعا سايكەس پاراقشا ەكى تىلدە تولتىرىلادى. سوندىقتان جالعان حابارلاماعا ەرمەۋدى سۇرايمىز! ورايى كەلىپ تۇرعاندا، بارلىق قازاقستان ازاماتىن 5-ماۋسىم كۇنگى رەفەرەندۋمعا ءبىر كىسىدەي قاتىسىپ، الداعى ۇلكەن وزگەرىستەر ءۇشىن داۋىس بەرۋگە شاقىرامىن!»، - دەپ جازدى نۇرتورە ءجۇسىپ.
ق ر ورتالىق سايلاۋ كوميسسياسى رەفەرەندۋم بارىسىندا بيۋللەتەندەردى قالاي تولتىرۋ كەرەكتىگىن تۇسىندىرگەن بولاتىن. بيۋللەتەن ەكى تىلدە بىردەي جازىلعان.
وندا كونستيتۋتسياعا ۇسىنىلعان تۇزەتۋلەرمەن كەلىسۋگە نەمەسە كەلىسپەۋگە قاتىستى جالعىز عانا سۇراق بار. جاۋاپ ەكەۋ: «ءيا» نەمەسە «جوق». رەسپۋبليكالىق رەفەرەندۋمعا شىعارىلاتىن ماسەلەلەر ءتىزىمى.