اقمولا وبلىسىندا سۋعا باتقان ەكى ادامنىڭ دەنەسى تابىلدى

وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، قايعىلى جاعداي ەسىل جانە بۇلاندى اۋداندارى اۋماعىنداعى سۋ قويمالارىندا بولعان.

«مامىردىڭ 28 ىندە ساعات 15:00 شاماسىندا ەسىل اۋدانىنداعى جانىسپاي اۋىلىنان 250 مەتر قاشىقتىقتاعى جانىسپاي وزەنىنەن 63 جاستاعى ەر ادامنىڭ دەنەسى تابىلدى. ونى كۋاگەرلەر كورىپ، سۋدان الىپ شىقتى. وقيعا ورنىنا ت ج د جەكە قۇرامىنان 2 ادام جانە 1 ارنايى تەحنيكا، اۋداندىق پب جەكە قۇرامىنان 8 ادام جانە 2 تەحنيكا شاقىرىلدى. قازىرگى كەزدە ەر ادامنىڭ ولىمىنە قاتىستى سوت- مەديتسينالىق ساراپتاما تاعايىندالدى»، - دەدى ۆەدومستۆودان.

سونىمەن بىرگە، مامىردىڭ 29-ىندا ساعات 11:30 بۇلاندى اۋدانىنىڭ بوياركا اۋىلى ماڭىنداعى قاراعاي كەنتىندە 32 جاستاعى ەر ادامنىڭ دەنەسىن سۇڭگۋىرلەر سۋدان الىپ شىقتى. كۋاگەرلەردىڭ سوزىنشە، ول 28-مامىر كۇنى ساعات 15:00 شاماسىندا قايىقتان قۇلاپ، توعاننىڭ سۋىنا باتىپ كەتكەن.