فرانسۋز پوليسياسى «رەال مادريد - ليۆەرپۋل» ماتچىنداعى اعىلشىن جانكۇيەرلەرىنە كوزدەن جاس اعىزاتىن گاز بەن بۇرىش سپرەيىن قولدانعانى ءۇشىن سىنعا ۇشىرادى. فرانسيانىڭ ىشكى ىستەر ءمينيسترى جەرالد دارمانەن كىنانى بريتاندىق فۋتبول جانكۇيەرلەرىنە ارتىپ، مىڭداعان ادامنىڭ ءتيىستى بيلەتى جوق بولا تۇرا ستاد دە فرانس ستاديونىنا كۇشپەن كىرگەنىن اتاپ ءوتتى. پوليتسيا 105 ادامدى ۇستادى. ءوز كەزەگىندە UEFA وكىلدەرى ماتچتىڭ كەشىگۋىن «قاۋىپسىزدىك ماقساتىندا» دەپ ءتۇسىندىردى.
ەسكە سالساق، سەنبى كۇنى چەمپيوندار ليگاسىنىڭ فينالى كەزىندە جانە ودان كەيىن پاريج پوليسياسى فرانسيا استاناسىنىڭ سەن- دەني ماڭىنداعى «ستاد دە فرانس» ستاديونىندا بولعان تارتىپسىزدىك كەزىندە 68 ادامدى قاماۋعا الدى.
ۋەفا مەن فرانتسيا بيلىگىنىڭ مالىمەتىنشە، چەمپيوندار ليگاسىنىڭ فينالى الدىنداعى بەيبەرەكەتسىزدىككە ماتچتى كورگىسى كەلگەن مىڭداعان ادامنىڭ قولىنداعى جالعان بيلەتتەر سەبەپ بولعان. ستاديونعا كىرەبەرىستەگى جانكۇيەرلەردىڭ كوپتىگىنەن چەمپيوندار ليگاسىنىڭ فينالى وتىز مينۋتتان استام ۋاقىتقا كەشىكتىرىلگەن.