«ارىستانبەك مۇحامەدي ۇلى نۇر-سۇلتان قالالىق پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. ول وندا «سىبايلاس جەمقورلىققا قارسى ءىس-قيمىل اگەنتتىگىنىڭ» جەلىسىمەن ءتۇستى»، - دەپ حابارلادى قازتاگ اقپارات اگەنتتىگى.
ەسكە سالساق، بۇعان دەيىن سىبايلاس جەمقورلىققا قارسى ءىس- قيمىل اگەنتتىگى ۇلتتىق مۋزەي باسشىلىعى مەملەكەتتىك ساتىپ الۋ تۋرالى شارت اياسىندا 146 ميلليون تەڭگە سوماسىندا بيۋجەت قاراجاتىن جىمقىردى دەگەن كۇدىككە ىلىنگەنىن حابارلاعان بولاتىن. قازىرگى تاڭدا ىسكە قاتىستى تەرگەۋ جۇمىستارى ءالى ءجۇرىپ جاتىر.
سونداي-اق 16- مامىردا مۋزەي ديرەكتورى ارىستانبەك مۇحامەدي ۇلىنىڭ اۋرۋحانادا جاتقانى بەلگىلى بولدى. سول ارادا مۋزەي باسشىسى وزىنە قول جۇمساماق بولدى دەگەن اقپارات تا تارادى.
ءبىراق، ۇلتتىق مۋزەي باسپا ءسوز قىزمەتى بۇل حاباردى جوققا شىعارىپ، ول اۋرۋحاناعا اياعىن ەمدەتۋ ءۇشىن جاتتى دەپ مالىمدەدى.