قىتاي مەن رەسەي سولتۇستىك كورەياعا قاتىستى ب ۇ ۇ سانكسياسىنا قارسى شىقتى
11:28, 27 - مامىر 2022
نۇر-سۇلتان. قازاقپارات - بەيسەنبىدە ب ۇ ۇ قاۋىپسىزدىك كەڭەسىندە زىمىران سىناقتارىن جۇرگىزگەنى ءۇشىن سولتۇستىك كورەياعا قارسى قاتاڭ سانكسيالار ەنگىزۋگە قىتاي مەن رەسەي قارسى شىقتى.
بۇل ۇسىنىسقا ا ق ش باستاماشىلىق ەتكەن بولاتىن، دەپ حابارلايدى قازاقپارات The Hill-گە سىلتەمە جاساپ.
ب ۇ ۇ-داعى قىتاي ەلشىسى جاڭ جيۋن رەزوليۋتسيا جوباسى ا ق ش-تىڭ سانكسيالاردان باسقا ۇسىنىستاردى قابىلداۋدان باس تارتۋىنا بايلانىستى قابىلدانباعانىن ايتتى. ءوز كەزەگىندە رەسەي مەن قىتاي اشتىق پەن كوروناۆيرۋستىڭ ورشۋىنە بايلانىستى گۋمانيتارلىق ماسەلەلەرگە بايلانىستى سولتۇستىك كورەياعا قارسى سانكسيالاردى جەڭىلدەتەتىن قارسى رەزوليۋتسيا ۇسىندى. ال، امەريكالىق تاراپ بۇل ۇسىنىستى قولدامادى.
ەگەر ا ق ش-تىڭ ۇسىنىسى قولداۋ تاپسا، ب ۇ ۇ 2017 -جىلدان بەرى العاش رەت سولتۇستىك كورەياعا قاتىستى سانكتسيانى قاتاڭداتقان بولار ەدى.
اۆتور: اقبوپە ءابدراسۋل