ب ق و پوليتسيا دەپارتامەنتىنىڭ رەسمي وكىلى بولاتبەك نۇرعوجيننىڭ ءمالىم ەتكەنىندەي، وقيعا بايتەرەك اۋدانى داريان اۋىلىندا 14- مامىر كۇنى بولدى. وسىنداعى ورتا مەكتەپتىڭ 5-سىنىبىندا وقيتىن، بيىل كۇزدە 12-گە تولاتىن رۋحانيات ماحامبەت ۇلى شامامەن ساعات 22.30-دا ا. پۋشكين كوشەسىندەگى ۇيىنەن شىعىپ كەتكەن.
«اتا- انالار وزدىگىنەن تابا الماعان سوڭ، تاڭعى ساعات 04.00-دە پوليتسياعا جۇگىنگەن. بۇرىن بالا ۇيىنەن كەتپەگەن. ونى ىزدەستىرۋگە پريۋرال پوليتسيا ءبولىمىنىڭ جەكە قۇرامى، شەكاراشىلار جانە ءورت سوندىرۋشىلەر جۇمىلدىرىلدى. بالانى پوليتسيا قىزمەتكەرلەرى تاڭمەن ساعات 05.00-دە تاپتى. ول جاۋراعان سوڭ شوپكە ورانىپ ۇيىقتاپ قالعان»، دەدى ب. نۇرعوجين.
ەسكە سالا كەتەيىك، بۇدان بۇرىن ب ق و- دا حابارسىز كەتكەن 17 جاستاعى بوزبالا ىزدەستىرىلىپ جاتقانىن جازعان بولاتىنبىز.
اۆتور: ەلجان ەرالى