ۇشىرىلىمنان كەيىن 4 ساعاتتان سوڭ سينحۋا اگەنتتىگى راكەتانىڭ جۇمىسىندا اقاۋ شىققانىن ءمالىم ەتتى، دەپ حابارلايدى قازاقپارات ءتىلشىسى.
بۇل «شۋان تسيۋسيان-1» زىمىرانىنىڭ ءتورتىنشى رەت عارىشقا جىبەرىلۋى ەدى. ونىڭ ۇشەۋى ءساتسىز اياقتالدى. 2019 -جىلدىڭ شىلدە ايىندا بولعان العاشقى ۇشىرىلىم عانا ماقساتىنا جەتتى. ول كەزدە زىمىران- تاسىعىش وربيتاعا ەكى عىلىمي- زەرتتەۋ سپۋتنيگىن جەتكىزدى.
سينحۋا مالىمەتىنشە، قازىرگى ۋاقىتتا ءساتسىز ۇشىرىلىمنىڭ سەبەبى انىقتالىپ جاتىر. «شۋان سيۋسيان-1» - قاتتى وتىنمەن ۇشاتىن ءتورت ساتىلى زىمىران- تاسىعىش. ونى قىتايلىق ستارتاپ iSpace قۇراستىردى. راكەتانىڭ جۇك تاسىمالداۋ قابىلەتى قىتايدا جەكە كومپانيالار قۇراستىرعان زىمىران- تاسىعىشتار اراسىندا ەڭ جوعارى. ول جاقىن ورنالاسقان جەرماڭى وربيتاسىنا 260 كەلىگە دەيىن پايدالى جۇك جەتكىزە الادى.
اۆتور: ميرا تولەندى قىزى