الماتىدا كولىك تەرەزەسىنەن دەنەسىن شىعارىپ جۇرگەندەر جازالاندى - ۆيدەو

الماتى. قازاقپارات- الماتى پوليتسياسى الەۋمەتتىك جەلىدە جاريالانعان ۆيدەودان كەيىن «Toyota Corolla» كولىگىنىڭ جۇرگىزۋشىسىن جاۋاپقا تارتتى، دەپ حابارلايدى قازاقپارات ءتىلشىسى.

الەۋمەتتىك جەلىدە كولىك تەرەزەسىنەن دەنەسىن شىعارىپ العان ەكى قىزدىڭ ۆيدەوسى تاراعان بولاتىن. بەينەجازبا ءتارتىپ ساقشىلارىنىڭ نازارىنا ءىلىنىپ، ناتيجەسىندە جول ەرەجەسىن بۇزعان 1996 -جىلى تۋعان ن. ەسىمدى كولىك جۇرگىزۋشىسى انىقتالدى.

«ن. ەسىمدى ازامات ق ر اكىمشىلىك قۇقىقبۇزۋشىلىق تۋرالى كودەكسىنىڭ 593 بابىنىڭ 1-بولىگى بويىنشا جاۋاپقا تارتىلدى. جولداردا مۇنداي ارەكەتتەرگە جول بەرىلمەيدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ.

اۆتور: الما مۇقانوۆا