6- مامىر كۇنى «تارباعاتاي مۇناي» كومپانياسىنا شەتەلگە گاز ەكسپورتتاۋعا تىيىم سالىنۋى مۇمكىن ەكەنى حابارلانعان ەدى.
«كەشە عانا تۇرعىندارمەن كەزدەسۋ ءوتتى. وعان مەنىڭ ورىنباسارىم قاتىستى. اكىمنىڭ ورىنباسارى بولدى. جەرگىلىكتى تۇرعىندارمەن بىرىگىپ، كوميسسيا قۇراتىن بولدىق. ەگەر ولار ەكسپورتقا كەلىسەتىن بولسا - جالعاستىرامىز»، - دەدى مينيستر ۇكىمەت وتىرىسىنان كەيىن تىلشىلەرگە بەرگەن سۇحباتىندا.
ءمينيستردىڭ ايتۋىنشا، قازىرگى ۋاقىتتا «سارىبۇلاق» كەن ورنىندا گازدىڭ 300-400 ميلليون تەكشە مەترى قالعان. ال زايسان اۋدانىنىڭ جىلدىق تۇتىنۋ كولەمى - 20-25 ميلليون تەكشە مەتر.
«سوندىقتان ساناساق، زايساننىڭ 10-12 جىلعا جەتەتىن گازى بار. ءبىراق ول دا شەكتەۋلى. ەرتەڭ گاز تاۋسىلعاننان كەيىن نە ىستەيمىز دەگەن ماسەلە كوتەرىلەدى. ارينە، وعان ۋاقىت كەرەك. ەگەر جەرگىلىكتى اكىمدىك قالعان شەكتەۋلى گاز مولشەرىمەن اينالاداعى اۋماقتىڭ ءبارىن گازعا قوسا بەرەتىن بولسا، وندا گاز 11 جىلعا ەمەس، 5 جىلعا دا جەتپەۋى مۇمكىن. گاز ەكسپورتىن قىتايعا ۋاقىتشا توقتاتتىق. كەشە كەزدەسۋ بارىسىندا كوميسسيا قۇرۋ كەرەكتىگىنە كوزىمىز جەتتى. مينيسترلىك وكىلدىرىمەن قاتار ول كوميسسياعا جەرگىلىكتى تۇرعىندار دا كىرەدى. ەگەر ولار ەكسپورتتى توقتاتۋ كەرەك دەسە، وندا ءبىز توقتاتامىز»، - دەدى ب. اقشولاقوۆ.