بۇگىن بارلىق وڭىردە جاڭبىر جاۋادى

نۇر-سۇلتان. قازاقپارات – 12-مامىردا اتموسفەرالىق فرونتتاردىڭ وتۋىنە بايلانىستى قازاقستان اۋماعىنىڭ باسىم بولىگىندە جاڭبىر جاۋادى.

رەسپۋبليكانىڭ باتىسى مەن وڭتۇستىك- شىعىسىندا قاتتى جاڭبىر مەن نايزاعاي كۇتىلەدى. تەك قىزىلوردا وبلىسىندا جوعارى قىسىمدى القاپتىڭ اسەرىنەن كۇن رايى جاۋىن-شاشىنسىز بولادى.

بارلىق وڭىردە ەكپىندى جەل، داۋىل، بۇرشاق بولجانادى.

قازاقپارات بۇل تۋرالى قازگيدرومەتكە سىلتەمە جاساپ حابارلايدى. سونداي-اق الماتى وبلىسىنىڭ وڭتۇستىگىندە، شىعىسىندا، تۇندە جانە تاڭەرتەڭ تاۋلى جانە تاۋ بوكتەرلى اۋداندارىندا بۇرشاق جاۋۋى، داۋىل بولۋى ىقتيمال. نايزاعاي كەزىندە جەلدىڭ كۇشى 15-20 م/س قۇرايدى.