شىعىس قازاقستان وبلىسىندا دالا ءورتى ءورشىپ تۇر
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قۇتقارۋشىلار دالا ورتىمەن دامىلسىز كۇرەسۋدە. 10-مامىردا التاي اۋدانى ەرماكوۆكا اۋىلىندا ءشوپ پەن بۇتالار جانعان. وتتى اۋىزدىقتاۋعا جەكە قۇرامنان 54 ادام، 8 تەحنيكا، جەرگىلىكتى اتقارۋشى ورگاننان 8 قىزمەتكەر، 2 تەحنيكا، ورمانشىلاردان 20 ادام مەن 4 تەحنيكا جۇمىلدىرىلدى.بۇدان بولەك، «قازاۆياقۇتقارۋ» ا ق- نىڭ م ي-8 تىكۇشاعى تارتىلىپ، اۋەدەن 33 توننا سۋ توگىلدى. 70 گەكتار اۋماققا جايىلعان ءورت ساعات 20.50-دە وقشاۋلاندى.
الدىن الا مالىمەت بويىنشا جالىننىڭ شىعۋ سەبەبى - وتتى پايدالانۋدا قاۋىپسىزدىك شارالارىن ساقتاماۋ. كۇن سايىن ءورت ءسوندىرۋ بولىمشەلەرىنىڭ قىزمەتكەرلەرى 20-30 رەت دالا ءورتىن وشىرۋگە اتتانادى. كوپ جاعدايدا ءورت اشىق اۋماقتا، ساياجايلاردا جانە تۇرعىن ءۇي سەكتورىندا تىركەلەدى.
ەستەرىڭىزگە سالا كەتسەك، وسىعان دەيىن ش ق و- دا تابيعي قورىقتا 120 گەكتارعا جايىلعان ءورت سوندىرىلگەنىن حابارلاعان ەدىك.
اۆتور: تالعاتجان مۇحامەتبەك ۇلى