«اتالعان زاڭ جوبالارىنىڭ ماقساتى - قازاقستان رەسپۋبليكاسى ازاماتتارىنىڭ تولەم قابىلەتسىزدىگىنە بايلانىستى ماسەلەلەردى شەشۋگە باعىتتالعان قازىرگى زامانعى تولەم قابىلەتتىگىن قالپىنا كەلتىرۋ ينستيتۋتىن قۇرۋ. اتاپ ايتقاندا، بورىشكەرلەرگە قاتىستى سوتتان تىس بانكروت ءراسىمى، تولەم قابىلەتتىگىن قالپىنا كەلتىرۋ جانە سوت بانكروتتىعى قاراستىرىلعان. زاڭ جوباسىن سالالىق زاڭنامالىق اكتىلەرمەن سايكەستەندىرۋ جانە ءتيىستى راسىمدەرگە قاتىسۋشىلاردىڭ اكىمشىلىك جاۋاپكەرشىلىگىن بەلگىلەۋ قاجەتتىگى كوزدەلگەن. قارجى جانە بيۋدجەت كوميتەتى وسى زاڭ جوبالارىن قاراپ، ول بويىنشا 2023 -جىلدىڭ 26 ساۋىرىنە دەيىن قورىتىندى ازىرلەۋگە دايىن»، - دەدى ءماجىلىستىڭ قارجى جانە بيۋدجەت كوميتەتىنىڭ ءتوراعاسى مارات قۇسايىنوۆ پالاتانىڭ جالپى وتىرىسىندا.
سونىمەن قاتار، پالاتا دەپۋتاتتارى «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسىن دا قارايتىن بولادى.
بۇدان بۇرىن حابارلانعانداي، بيىل ناۋرىز ايىندا ۇكىمەتتە ق ر پرەمەر- ءمينيسترى ءاليحان سمايىلوۆتىڭ توراعالىعىمەن «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭ جوباسى تالقىلاندى. ءتيىستى زاڭ جوباسى ازاماتتاردىڭ بورىش جۇكتەمەسىن ازايتۋ، الەۋمەتتىك شيەلەنىستى جەڭىلدەتۋ، قارىزدار بويىنشا تولەمدەردى ىنتالاندىرۋ جانە بورىشكەرلەردى ءونىمدى ەكونوميكالىق قىزمەتكە قايتارۋدى قامتاماسىز ەتۋ ماقساتىندا ازىرلەندى.
اۆتور: رۋسلان عابباسوۆ