قازاقستاندىق عالىمدار سۇيەكتى قالپىنا كەلتىرەتىن بيوماتەريال ازىرلەدى
بۇل تۋرالى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
ءبىلىم جانە عىلىم مينيسترلىگىنىڭ جانۋ پروبلەمالارى ينستيتۋتىنىڭ عالىمدارى جاساپ شىعارعان سۇيەكتى الماستىراتىن ماتەريال شەتەلدىك انالوگتاردان ءۇش ەسە ارزان. بۇگىندە وتاندىق كومپانيالار تاۋاردىڭ العاشقى پارتياسىن ساتىپ العان. بۇل ماتەريال سۇيەك اقاۋلارىن قالپىنا كەلتىرۋدە، سۇيەك زاقىمدالعان جارالاردا، سىنىقتاردا، پلاستيكالىق حيرۋرگيادا، ياعني بەت سۇيەكتەرىنىڭ پلاستيكالىق حيرۋرگياسىندا جانە تىستەردى يمپلانتاتسيالاۋدا قولدانىلادى.
«بيولوگيالىق شيكىزاتتان گيدروكسياپاتيت تەرميالىق وڭدەۋ، كۇيدىرۋ، ارنايى حيميالىق رەاكسيالار جۇرگىزۋ جانە پوستتەرميالىق كۇيدىرۋ ارقىلى الىنادى. ءبىزدىڭ موديفيكاتسيا بارلىق ءادىستى الۋدى جاقسارتۋ ارقىلى ۋاقىتتى ۇلعايتۋ ەسەبىنەن، جوعارى تەمپەراتۋرا رەجيمىن تاڭداۋ جانە تاعى باسقاسىنىڭ ەسەبىنەن جۇزەگە اسىرىلادى. ناتيجەسىندە ءبىز جاقسارتىلعان كريستالدىق قۇرىلىمى جانە ءونىمنىڭ تازالىعى جوعارى (�) ساپالى ماتەريال الدىق. شەتەلدىك كومپانيالار وسىنداي جوعارى ساپالى ي ا ءو- ءنىڭ (يكەمدى اۆتوماتتاندىرىلعان ءوندىرىس) 1 گرامىن شامامەن 32 مىڭ تەڭگەگە ساتادى. ال ءبىزدىڭ ماتەريالدىڭ باعاسى 1 گرامى ءۇشىن 10 مىڭ تەڭگە»، - دەيدى ق ر ب ع م جانۋ ماسەلەلەرى ينستيتۋتىنىڭ عالىمى زۇلقايىر مانسۇروۆ.
قازىر حيميا عىلىمدارىنىڭ دوكتورى، پروفەسسور ز. ا. مانسۇروۆ مەديتسينا عىلىمدارىنىڭ دوكتورى، ق ر دەنساۋلىق ساقتاۋ مينيسترلىگى قازمۇببۋ ستوماتولوگيا كافەدراسىنىڭ پروفەسسورى م. ا. تەمىربايەۆپەن بىرلەسىپ الىنعان مينەرالدى ءىس جۇزىندە قولدانۋ جۇمىستارىن جالعاستىرىپ جاتىر.
«گيدروكسياپاتيتپەن قاپتالعان يمپلانتاتتار كەرى رەاكسيا تۋدىرمايدى جانە ساۋ سۇيەك تىنىمەن بەلسەندى تۇردە بايلانىسىپ، رەگەنەراتسيا مەن وڭالتۋ پروتسەسىن جەدەلدەتۋ قابىلەتىنە يە ەكەنىن اتاپ وتكەن ءجون. ءبىزدىڭ وتاندىق جوعارى ساپالى گيدروكسيوپاتيت يمپورتتىق ماتەريالداردى وڭاي الماستىرا الادى»، - دەپ ءتۇسىندىردى زۇلقايىر مانسۇروۆ.
جۇرگىزىلگەن زەرتتەۋلەردىڭ ناتيجەلەرى بويىنشا ق ر ب ع م كوكسون جانە Scopus يندەكستەلگەن دەرەكتەر قورىندا عىلىمي جۇمىستار جاريالاندى. بۇل زەرتتەۋ جۇمىسىنىڭ سەنىمدىلىگى مەن وزەكتىلىگىن كورسەتەدى. عىلىمي جۇمىس ق ر ب ع م- نىڭ گرانتتىق قارجىلاندىرۋى اياسىندا جۇزەگە اسىرىلعان.