اۋىر اتلەت ايسامال سانسىزبايەۆا الەم چەمپيوناتىندا قولا جۇلدەگەر اتاندى

نۇر- سۇلتان. قازاقپارات - گرەكيانىڭ يراكليون قالاسىندا اۋىر اتلەتيكادان جاستار اراسىنداعى الەم چەمپيوناتى مارەگە جەتتى، دەپ حابارلايدى قازاقپارات ءتىلشىسى.

جارىستىڭ سوڭعى كۇنى قازاقستاندىق ايسامال سانسىزبايەۆا 87 كەلىدەن استام سالماقتا قولا جۇلدەگە قول جەتكىزدى. قازاقستاندىق اۋىر اتلەت قوسسايىس قورىتىندىسىندا 252 ك گ (سەرپە كوتەرۋدەن - 112 ك گ، جۇلقا كوتەرۋدەن - 140 ك گ) ناتيجە كورسەتتى.

بۇل سالماقتا وڭتۇستىك كورەيالىق حە چجون پارك 281 ك گ (120+161) كورسەتكىشپەن ۇزدىك شىقتى. تاعى ءبىر وڭتۇستىك كورەيالىق اتلەت حە ەن كيم قوسسايىس قورىتىندىسىندا 253 ك گ (108+145) كوتەرىپ، كۇمىس جۇلدەگە يە بولدى.

ەسكە سالا كەتەيىك، وسى بىرىنشىلىك بارىسىندا بۇدان بۇرىن الەكسەي چۋركين كۇمىس جۇلدەگەر اتانعانىن جازعان بولاتىنبىز. الەكسەي 73 كەلىگە دەيىنگى سالماقتا 329 (146+183) كەلىنى ىرقىنا كوندىردى. بارلىق التى مۇمكىندىگىنىڭ بەسەۋىن ءساتتى ورىندادى. بۇل سالماقتا يندونەزيالىق جۋليانسياح ريزحي توپ جارسا، امەريكالىق ريان ەنري ۇشتىكتى تۇيىندەدى.

اۆتور: ەلجان ەرالى