كەلىسسوزدەرگە دەيىن پرەزيدەنت سارايىندا سالتاناتتى تۇردە رەسمي قارسى الۋ شاراسى ءوتتى. قۇرمەت قاراۋىلىنىڭ باستىعى ەكى ەل باسشىلارىنا راپورت بەرىپ، قازاقستان مەن تۇركيانىڭ ءانۇراندارى شىرقالعاننان كەيىن قاسىم-جومارت توقايەۆ پەن رەجەپ تايپ ەردوعان ءبىر- بىرىنە رەسمي دەلەگاتسيالاردىڭ قۇرامىن تانىستىردى.
سالتاناتتى راسىمنەن كەيىن شاعىن قۇرامدا كەزدەسۋ بولدى. مەملەكەتتەر باسشىلارى ساياسي، ساۋدا- ەكونوميكالىق جانە مادەني- گۋمانيتارلىق سالالاردى كەڭەيتۋگە ەرەكشە كوڭىل بولە وتىرىپ، قازاق- تۇرىك ستراتەگيالىق سەرىكتەستىگىنىڭ اۋقىمدى ماسەلەلەرىن تالقىلادى. سونىمەن قاتار جاھاندىق جانە ايماقتىق كۇن تارتىبىندەگى پروبلەمالار قاراستىرىلدى. قازاقستان پرەزيدەنتى باۋىرلاس تۇركيا رەسپۋبليكاسىنا مەملەكەتتىك ساپارمەن كەلۋگە شاقىرعانى ءۇشىن رەجەپ تايپ ەردوعانعا ريزاشىلىعىن ءبىلدىردى.
شاعىن قۇرامداعى كەزدەسۋ سوڭىندا مەملەكەت باسشىسى تۇركيا پرەزيدەنتىن ەلىمىزگە ساپارمەن كەلۋگە شاقىردى. رەجەپ تايپ ەردوعان تۇركياعا ساپارمەن كەلگەنى ءۇشىن قاسىم-جومارت توقايەۆقا العىس ايتتى. سونىمەن قاتار رەجەپ تايپ ەردوعان قاسىم-جومارت توقايەۆتىڭ قازاقستانعا شاقىرۋىن ريزاشىلىقپەن قابىل الىپ، بيىل كۇزدە ەلىمىزگە كەلەتىنىن جەتكىزدى.