ش ق و بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، و ۆ 156/6 مەكەمەسىنىڭ قىزمەتكەرلەرى كونسلاگەردىڭ بۇرىنعى تۇتقىنى لەونيد سيماكوۆتى جەڭىس كۇنىمەن قۇتتىقتادى.
لەونيد ۆاسيلەۆيچ تۇزەتۋ مەكەمەسىندەگى مۇراجايعا كەلىپ، جاس قىزمەتكەرلەرگە ءوزىنىڭ باسىنان كەشكەنىن ايتىپ بەردى. ول ۆيتەبسك وبلىسىندا مۇعالىمدەر وتباسىندا دۇنيەگە كەلگەن. سوعىس باستالعان كەزدە نەبارى 4 جاستا بولعان.
«سوعىس كەزىندە مەنى انام، اپكەم جانە ەكى اعاممەن بىرگە گەرمانياعا اپارىپ، تۇتقىندارعا ارنالعان ەڭبەك لاگەرىنە قامادى. ول جەردە 2 جىل تۇرىپ، 1945 -جىلدىڭ ساۋىرىندە بوساتىلدىق. 1941 -جىلى تامىزدا فاشيستەر مەنىڭ اكەمدى اتىپ ءولتىردى. انام ءتورت بالامەن قالدى. سودان كەيىن گيتلەرشىلدەر مەنىڭ اپكەم ماريانىڭ پارتيزان وتريادىندا ەكەنىن ءبىلىپ قويدى. فاشيستەر انامدى اياۋسىز ۇرىپ-سوعىپ، ازاپتادى. ارەڭ ءتىرى قالعان ول تۇتقىننان بوساتىلعاننان كەيىن اۋرۋحاناعا ءتۇستى. ءبىراق كورگەن ازابىنىڭ سالدارىنان دەنساۋلىعى قالپىنا كەلمەي 1946 -جىلى قايتىس بولدى»، - دەپ ەسكە الادى لەونيد سيماكوۆ.
لەونيد ۆاسيلەۆيچ 1955 -جىلى قازاقستانعا تىڭ يگەرۋ ءۇشىن كەلگەنىن ايتتى. 1972 -جىلى شىعىس قازاقستانعا قونىس اۋدارعان. شەمونايحا قالاسىندا وۆ 156/6 مەكەمەسىنە ورنالاسىپ، وندا سەح تەحنولوگى، سودان كەيىن ا ي و باستىعى بولىپ جۇمىس ىستەدى. 1993 -جىلى زەينەتكە شىققان.
اۆتور: تالعاتجان مۇحامەتبەك ۇلى