اسقار سۇلەيمەنوۆتىڭ اباي تۋرالى ايتقانى
16:39, 07 - مامىر 2022
نۇر-سۇلتان. قازاقپارات – «كەلەر قازاقتىڭ دا ىشەتىن ۋى مەن بالى - اباي. قازاقتىڭ ەكى «جاۋى» بار. ءبىرى، دوس- جاۋى - اباي. قالعاندارى - قاس جاۋى. ابايدىڭ قازاعىنان قارا ءۇزىپ كەتكەن قازاق جوقتىڭ قاسى.
تالانت - تۇياق، اباي - جول. سول جولمەن اناۋ جيدەبايعا، مىناۋ قاراۋىلعا كەمەڭگەر دە كەلەدى, كەشە دە كەلەدى. مۇندا «ۇيرەنەمىن» دەپ، «ۇيرەتەمىن» دەپ كەلمەۋ كەرەك… مۇندا تازارامىن، ارىلامىن دەپ كەلۋ كەرەك. ەلدىڭ نەگە كەلگەنىن بىلمەيمىن. مەن ءوزىم ارىلامىن دەپ كەلدىم… ابايدا اشۋ شاقىرار ورام كوپ. كەيىس شاقىرار ءبىر ورامى: «…قازاق تا ادام بالاسى عوي».
ابايدىڭ 140 جىلدىعىندا، 1985 -جىلى سەمەيدەگى سالتاناتتى جيىندا سويلەگەن سوزىنەن