ال دەمالىس كۇندەرى بۇل ريتم بۇزىلاتىن بولسا سەنبى تۇسكە دەيىن ۇيىقتاعان ادامدى ميى تۇسىنبەي دال بولادى. تۇستە ويانعاندا مي تاڭ ەندى اتىپ جاتىر ەكەن دەپ تۇسكى استى تاڭعى اس دەپ قابىلدايدى دەيدى نەۆرولوگ كريستوفەر ۋينتەر. بۇل ادامنىڭ شارشاڭقى ويانۋىنىڭ ءبىر سەبەبى. نازارىڭىزعا مەديتسينا زەرتتەۋلەرىنە سۇيەنىپ شارشاپ ويانۋعا سەبەپ بولاتىن فاكتورلاردى ۇسىنامىز.
1. كوپ قيمىلداماۋ
فيزيكالىق بەلسەندىلىكتى كوبى ازىپ- توزدىرىپ جىبەرەتىن نارسە دەپ ويلايدى، ءبىراق بۇل پىكىردىڭ تەرىس جاعى دا بار. سپورتزالدا جاتتىعۋ جاساۋ ادامنىڭ دەنساۋلىعىن جاقسارتىپ قويماي، ۇيقى ساپاسىنا دا اسەر ەتەدى. اپتاسىنا بىرنەشە رەت جەڭىل جاتتىعۋ جاساعان ادام ەنەرگيا جيناپ، دۇرىس ۇيىقتايدى. سەبەبى تۇراقتى جاتتىعۋلار دەنە مەن ميدىڭ جاقسى جۇمىس ىستەۋىنە اسەر ەتەدى، ۇيقىشىلدىقتى ازايتادى.
2. از سۋ ءىشۋ
اعزاعا سۋ جەتپەسە، ادامنىڭ باسى اينالىپ، السىرەي باستايدى. دەگيدراتاتسيا اسەرىنەن قان ازايادى، جۇرەك جۇمىسى باياۋلايدى. مۇنىڭ سالدارى ۇيقىعا دا اسەر ەتەدى.
3. كوپ كوفە ءىشۋ
كوفەنى ۇيىقتاعانعا 6 ساعات قالعاندا ىشكەن ءجون. كوفە شارشاۋعا جاۋاپ بەرەتىن ادەنوزين زاتىن بۇعاتتايدى، سوندىقتان كوفە ىشكەن ادامنىڭ ادەتتەگىدەي ۇيىقتاي قويۋى قيىنىراق.
4. ۇيىقتار الدىندا سمارتفون شۇقىلاۋ
ەكراننىڭ كوك ءتۇسى ۇيقى گورمونى مەلاتونيننىڭ ءبولىنۋىن تەجەيدى. ونىڭ اسەرى بىلىنبەگەنىمەن، ادام ءبارىبىر تەرەڭ ۇيىقتاي المايدى.
massaget.kz