بۇگىنگى كۇن رايى: قازاقستاننىڭ باسىم بولىگىندە جاۋىن- شاشىن بولادى
كاسىپورىن تاراتقان دەرەكتەرگە قاراعاندا، اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە جاڭبىر جاۋىپ، نايزاعاي وينايدى. ەلدىڭ باتىسىندا نوسەر جاۋىن جاۋادى.
رەسپۋبليكا بويىنشا كەي جەرلەردە جەل كۇشەيىپ، وڭتۇستىك ايماقتاردا داۋىل تۇرىپ، ەلدىڭ وڭتۇستىگىندە، باتىسىندا بۇرشاق جاۋىپ، شاڭدى داۋىل تۇرادى، سولتۇستىگىندە كوكتايعاق بولىپ، سولتۇستىگىندە، ورتالىعىندا تۇمان تۇسەدى.
قىزىلوردا وبلىسىنىڭ سولتۇستىگىندە داۋىل تۇرادى، كۇندىز ورتالىعىندا شاڭدى داۋىل تۇرادى، تۇندە وبلىستىڭ سولتۇستىگىندە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. كۇندىز جەلدىڭ جىلدامدىعى 15-20 م/س، ەكپىنى 23-28 م/س- كە دەيىن كۇشەيەدى.
تۇندە ماڭعىستاۋ وبلىسىنىڭ سولتۇستىك- شىعىسىندا، كۇندىز وڭتۇستىگىندە، وڭتۇستىك- شىعىسىندا بۇرشاق جاۋادى، باسىم بولىگىندە جەلدىڭ جىلدامدىعى سەكۋندىنا 15-20 مەترگە دەيىن، كۇندىز سولتۇستىگىندە، سولتۇستىك- شىعىسىندا ەكپىنى 23-28 مەترگە دەيىن كۇشەيەدى. اتىراۋ وبلىسىنىڭ شىعىسىندا، وڭتۇستىگىندە شاڭدى داۋىل تۇرىپ، باسىم بولىگىندە جەل سەكۋندىنا 15-20 مەتر جىلدامدىقپەن ەسىپ، ەكپىنى 23-28 م/س بولادى.
تۇندە جامبىل وبلىسىنىڭ تاۋلى اۋداندارىندا، كۇندىز وبلىستىڭ وڭتۇستىگىندە، تاۋلى اۋداندارىندا بۇرشاق جاۋىپ، داۋىل تۇرادى، تاۋلى اۋدانداردا جەلدىڭ جىلدامدىعى سەكۋندىنا 15-20 مەترگە دەيىن كۇشەيۋى ىقتيمال.
تۇندە جانە تاڭەرتەڭ اقمولا وبلىسىنىڭ باتىسىندا تۇمان ءتۇسىپ، وبلىستىڭ سولتۇستىك- شىعىسىندا جەل 15-20 م/س جىلدامدىقپەن سوعادى. سولتۇستىك قازاقستان وبلىسىنىڭ سولتۇستىك- شىعىسىندا كوكتايعاق بولىپ، جەل 15-20 م/س- كە دەيىن كۇشەيەدى.
تۇندە پاۆلودار وبلىسىنىڭ سولتۇستىگىندە كوكتايعاق بولىپ، تۇندە باسىم بولىگىندە، كۇندىز سولتۇستىگىندە، شىعىسىندا جەل سەكۋندىنا 15-20 مەترگە دەيىن كۇشەيەدى.
تۇندە قاراعاندى وبلىسىنىڭ سولتۇستىگىندە تۇمان ءتۇسىپ، تۇندە باتىسىندا، سولتۇستىگىندە، ورتالىعىندا، كۇندىز وڭتۇستىك جارتىسىندا جەلدىڭ جىلدامدىعى 15-20 م/س بولادى.
الماتى وبلىسىندا نايزاعاي ويناپ، كۇندىز باتىس قازاقستان وبلىسىنىڭ باتىسىندا، وڭتۇستىك- شىعىسىندا، اقتوبە، قوستاناي وبلىستارىنىڭ وڭتۇستىك جارتىسىندا، شىعىس قازاقستان وبلىسىنىڭ باتىسىندا جەل 15-20 م/س-كە دەيىن كۇشەيەدى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت قاۋپى كۇتىلەدى.