مۇحاممەد ءاليدىڭ نەمەرەسى الەمنىڭ ۇزدىك بوكسشىسىن اتادى

نۇر-سۇلتان. قازاقپارات - داڭقتى امەريكالىق بوكسشى مۇحاممەد ءاليدىڭ نەمەرەسى، بۇگىنگى ءوزى كاسىپقوي بوكستا ونەر كورسەتىپ جۇرگەن نيكو الي ۋولش (4-0، 3 ك و) Twitter پاراقشاسىندا قازىرگى ۋاقىتتا الەمدەگى ەڭ مىقتى بوكسشىنىڭ كىم ەكەنىن ايتتى، دەپ جازادى Vesti.kz ءتىلشىسى.

ءالي ۋولش مەكسيكالىق بوكسشى ساۋل «كانەلو» الۆارەسپەن (57-1-2، 39 KO) تۇسكەن سۋرەتىن سالدى.

«مەنىڭ زامانىمداعى ەڭ ۇزدىك بوكسشى»، - دەپ جازدى ول.

ەسكە سالايىق، قازاقستان ۋاقىتى بويىنشا 8- مامىر كۇنى لاس-ۆەگاستا (نيەۆادا شتاتى، ا ق ش) قالاسىندا «كانەلو» جارتىلاي اۋىر سالماقتا WBA بەلبەۋىنىڭ يەگەرى رەسەيلىك دميتري بيۆولمەن كەزدەسۋ وتكىزەدى.

ەگەر مەكسيكالىق بوكسشى بۇل كەزدەسۋدە جەڭىسكە جەتسە، قىركۇيەك ايىندا ول گەننادي گولوۆكينمەن (42-1-1، 37 ك و) ءۇشىنشى رەت كەزدەسۋى مۇمكىن.