ساۋراندا جارتى عاسىر جەر استىندا ساقتالعان بابالار اماناتى تابىلدى

تۇركىستان. قازاقپارات - 1971 -جىلى ۇرپاققا امانات ەتىپ جازىلعان وسيەت حاتتا مايداندا قازا تاپقان ەرلەردىڭ ەسىمى كورسەتىلىپ، سوعىستان كەيىنگى حالىقتىڭ تۇرمىسى باياندالعان، دەپ حابارلايدى قازاقپارات ءتىلشىسى.

جەڭىس مەرەكەسىنىڭ 77 جىلدىعى قارساڭىندا ساۋران اۋدانى جۇينەك اۋىلدىق وكرۋگىندە وسىدان 50 جىل بۇرىن ۇرپاققا امانات ەتىپ جازىلعان وسيەت حات سالتاناتتى تۇردە اشىلدى. ءىس- شارا بارىسىندا حاتتا جازىلعان جۇينەكتىك 149 سوعىسقا قاتىسۋشىنىڭ ءتىزىمى وقىلدى.

بابالاردىڭ وسيەت حاتىن 1971 -جىلى س. ازيموۆا ەسىمدى اۋىل تۇرعىنى جازىپ الىپ، ارنايى كاپسۋلامەن جەرگە كومىپ، ساقتاعان ەكەن. سول كەزدە 10-سىنىپ وقۋشىسى بولعان س. ازيموۆا بۇگىندە 4 پەرزەنتتىڭ اياۋلى اناسى، 16 نەمەرەنىڭ ارداقتى اجەسى اتانىپ وتىر. اتالعان شاراعا ساۋران اۋدانىنىڭ اكىمى عاني رىسبەكوۆ، وبلىستىق قوعامدىق دامۋ باسقارماسى «قوعامدىق كەلىسىم» ك م م- ءنىڭ باسشىسى ەلميرا جانعازيەۆا، سونداي- اق ەتنوس وكىلدەرى، جاستار مەن جەرگىلىكتى تۇرعىندار قاتىستى.

اۆتور: قايرات زاينيشيەۆ