ازىق-تۇلىكتىڭ باعاسى بيىل جانە كەلەسى جىلى قانداي بولادى؟

نۇر-سۇلتان. قازاقپارات – ق ر ۇلتتىق بانكىنىڭ ءتوراعاسى عالىمجان ءپىرماتوۆ قازاقستان ءۇشىن سىرتقى ينفلياتسيالىق جاعداي نەلىكتەن قولايسىز بولاتىنىن ءتۇسىندىردى، دەپ حابارلايدى قازاقپارات ءتىلشىسى.

«بيىل ماكروەكونوميكالىق احۋال گەوساياسي جاعدايدىڭ ناشارلاۋى مەن الەمدىك قارجى، تاۋار نارىعىنداعى قۇبىلمالىقتىڭ ارتۋى اياسىندا دامىپ جاتىر. گەوساياسي شيەلەنىستەن تاۋار جەتكىزۋ پروبلەمالارى كۇردەلەنىپ، الەمدە ينفلياتسيالىق قىسىم كۇشەيىپ كەلەدى. وسىعان بايلانىستى حالىقارالىق ۆاليۋتا قورى جاھاندىق ينفلياتسيانىڭ جوعارى دەڭگەيى الدىڭعى بولجاممەن سالىستىرعاندا ۇزاعىراق ساقتالادى دەپ كۇتەدى»، - دەدى عالىمجان ءپىرماتوۆ سەنات وتىرىسىندا.

بىرىككەن ۇلتتار ۇيىمى قاداعالايتىن الەمدەگى ازىق- تۇلىك باعاسى يندەكسى 1990 -جىلدان باستاپ ەڭ جوعارى كورسەتكىشكە جەتتى. ازىق- تۇلىكتىڭ الەمدىك باعاسى 2022 -جىلى دا، 2023 -جىلى دا جوعارى دەڭگەيدە قالادى دەپ كۇتىلىپ وتىر.

«ازىق-تۇلىك، شيكىزات، جانار-جاعار ماي، گاز باعاسىنىڭ قىمباتتاۋىنان ەۋرووداق پەن ا ق ش- تاعى ينفلياتسيا كوپ جىلدىق رەكوردتى كورسەتىپ وتىر، ال رەسەيدە ينفلياتسيا ,7 عا جەتتى. مۇنداي جاعدايدا دامىعان ەلدەر اقشا-كرەديت تالاپتارىن كۇشەيتەدى، بۇل دامۋشى ەلدەردىڭ ۆاليۋتالارىنا قىسىم جاسايدى. وسىعان بايلانىستى قازاقستان ءۇشىن سىرتقى ينفلياتسيالىق جاعداي قولايسىز بولىپ قالىپتاسىپ وتىر»، - دەدى ۇلتتىق بانك ءتوراعاسى.