ۇلتتىق بانك تەڭگە باعامىن تۇراقتاندىرۋ شارالارىن جۇرگىزىپ جاتىر

نۇر-سۇلتان. قازاقپارات – ق ر ۇلتتىق بانكى تەڭگە باعامىنىڭ كۇرت وزگەرۋى مەن ونىڭ ينفلياتسياعا اسەرىن شەكتەۋ شارالارىن جۇرگىزۋدە.

بۇل تۋرالى بانك ءتوراعاسى عالىمجان ءپىرماتوۆ ايتتى، دەپ حابارلايدى قازاقپارات ءتىلشىسى. «ۇلتتىق بانك تەڭگە باعامىنىڭ كۇرت وزگەرۋىن جانە ونىڭ ينفلياتسياعا اسەرىن شەكتەۋ شارالارىن قابىلداۋدا. كەي كۇندەرى ۆاليۋتالىق ينتەرۆەنتسيالار دا جۇرگىزدى. بۇل تۋرالى اقپارات جەدەل تۇردە جاريالاندى»، - دەدى ع. ءپىرماتوۆ سەناتتىڭ بۇگىنگى وتىرىسىندا.

ۇلتتىق بانك ءتوراعاسىنىڭ ايتۋىنشا، كۆازيمەملەكەتتىك سەكتور سۋبەكتىلەرىنىڭ ۆاليۋتانى ساتۋ كولەمىن ۇلعايتۋ ماقساتىندا ولاردىڭ جالپى ۆاليۋتالىق ءتۇسىمىنىڭ مىندەتتى ساتۋ مولشەرى P- دان u-عا دەيىن ۇلعايتىلدى.

«ۇلتتىق ۆاليۋتانىڭ ورنىقتىلىعىن قامتاماسىز ەتۋ، كاپيتالدى شىعارۋعا جول بەرمەۋ جانە الىپساتارلىق سۇرانىستى تومەندەتۋ ءۇشىن ءبىرىنشى كەزەكتەگى داعدارىسقا قارسى شارالار اياسىندا ترانسشەكارالىق قارجى وپەراتسيالارىن باقىلاۋ شارالارى كۇشەيتىلدى، ۆاليۋتا مەن التىندى اكەتۋگە شەكتەۋ قويىلدى. قولما- قول شەتەل ۆاليۋتاسىنىڭ ىشكى نارىقتاعى جاعدايدى قالىپقا كەلتىرۋ شارالارى قابىلداندى. حالىقتىڭ سۇرانىسىن قاناعاتتاندىرۋ ءۇشىن قولما-قول شەتەل ۆاليۋتاسى جەتكىلىكتى مولشەردە اكەلىندى»، - دەدى سپيكەر.

قابىلدانعان شارالارعا بايلانىستى ىشكى ۆاليۋتا نارىعىنداعى جاعداي تۇراقتالىپ كەلەدى.

«گەوساياسي جاعدايدىڭ ناشارلاۋىنا بايلانىستى جاھاندىق قارجى، تاۋار نارىقتارىندا بۇرىن- سوڭدى بولماعان وزگەرىستەر اياسىندا تەڭگەنىڭ باعامى بيىلعى 15-ناۋرىزدا ەڭ جوعارى - 512,17 تەڭگەگە دەيىن السىرەپ، ءساۋىردىڭ قورىتىندىسى بويىنشا 445,62 تەڭگەگە دەيىن نىعايدى. قازىرگى ۋاقىتتا سۇرانىس پەن ۇسىنىس تەڭەسىپ تۇر»، - دەدى ۇلتتىق بانك ءتوراعاسى.

بۇعان دەيىن عالىمجان ءپىرماتوۆ قازاقستان ءۇشىن سىرتقى ينفلياتسيالىق جاعداي نەلىكتەن قولايسىز بولاتىنىن تۇسىندىرگەن ەدى. سونداي-اق، ءبىرىنشى توقساندا جالپى ىشكى ءونىم %4,4- عا ءوسىپ، ەكونوميكا ءوسىمى پاندەمياعا دەيىنگى دەڭگەيىنە ورالعان.

اۆتور: ايجان سەرىكجان قىزى