ۇكىمەت قىرعىزدىڭ قازاقستانداعى مادەني كۇندەرىن وتكىزۋگە جاردەمدەسۋگە دايىن - پرەمەر
«بىشكەككە جۇمىس ساپارى اياسىندا قازاقستان پرەمەر-ءمينيسترى ءاليحان سمايىلوۆ قىرعىزستان پرەزيدەنتى سادىر جاپاروۆپەن كەزدەستى. كەزدەسۋ بارىسىندا تاراپتار قازاقستان-قىرعىزستان ستراتەگيالىق ارىپتەستىگىنىڭ دامۋ پەرسپەكتيۆالارىن تالقىلادى، اتاپ ايتقاندا، ساۋدا-ەكونوميكالىق، ينۆەستيتسيالىق جانە شەكارا ماڭى ىنتىماقتاستىعىن نىعايتۋعا ەرەكشە نازار اۋداردى»، - دەلىنگەن اقپاراتتا.
ءاليحان سمايىلوۆ ەكى ەلدىڭ مادەني-گۋمانيتارلىق سالاداعى ءوزارا ءىس-قيمىلىن جوعارى باعالاپ، قازاقستان ۇكىمەتىنىڭ بيىل قازان ايىنا جوسپارلانعان قىرعىزستاننىڭ قازاقستانداعى مادەنيەت كۇندەرىن وتكىزۋگە جاردەمدەسۋگە دايىن ەكەنىن ءبىلدىردى.
سونىمەن قاتار قازاقستان پرەمەر-ءمينيسترى قىرعىزستان پرەزيدەنتىن ۇكىمەتارالىق كەڭەستىڭ 10-وتىرىسىنىڭ قورىتىندىسى بويىنشا قول جەتكىزگەن ۋاعدالاستىقتار تۋرالى حاباردار ەتتى.