وتاندىق اۆتوكولىك ءوندىرىسى ارتتى
بۇل تۋرالى بۇگىن يندۋستريالىق دامۋ كوميتەتىنىڭ وكىلى ولجاس ساپاربەكوۆ مالىمدەدى.
ونىڭ ايتۋىنشا، حالىق اراسىندا قازاقستاندىق تەمىر تۇلپارلارعا سۇرانىس جوعارى. ەكسپورت كولەمى دە شامامەن 50 پروتسەنتكە ارتىپ وتىر. دەسەك تە ميكروچيپتەردىڭ تاپشىلىعىنان بۇكىل الەم نارىعىندا كولىك جەتىسپەۋشىلىگى بايقالادى. وسى ورايدا وتاندىق وندىرۋشىلەر قاجەتتى جابدىقتار الۋعا كۆوتا سانىن كوبەيتۋ جايىندا كەلىسسوز جۇرگىزىپ جاتىر.
ولجاس ساپاربەكوۆ ق ر ي ي د م يندۋستريالىق دامۋ كوميتەتى ءتوراعاسىنىڭ ورىنباسارى:
- بيىل قازاقستاندىق كاسىپورىندار 109 مىڭ جەڭىل اۆتوكولىك ءوندىرۋدى كوزدەپ وتىر. تەك وتكەن 4 ايدىڭ وزىندە 20 مىڭنان استام تەحنيكا شىعارىلدى. بىلتىرعى كورسەتكىش 93 مىڭ كولىكتى قۇرادى. وتاندىق وندىرۋشىلەر تەحنيكانى قۇراستىرىپ قانا قويماي، وعان قاجەتتى قۇرال- جابدىق كولەمىن دە ارتتىرۋعا تىرىسادى. ماسەلەن، كەيبىر ءاۆتوموبيلدىڭ قۇرال سايماندارىنىڭ تەڭ جارتىسى قازاقستاندا جاسالعان.
www.24.kz