كلۋبتىڭ باسپا ءسوز قىزمەتىنەن ءمالىم ەتكەنىندەي، «تارازبەن» وتكەن ماتچتان كەيىن 68 جاستاعى ۆ. مۋحانوۆپەن كەلىسىمشارتتى توقتاتۋ جونىندە شەشىم قابىلدانعان.
رەسەيلىك مامان اقتوبەلىكتەردى 2021 -جىلدىڭ شىلدەسىنەن بەرى جاتتىقتىرىپ كەلدى. بۇگىن تارازدا جەرگىلىكتى كوماندادان 0:3 ەسەبىمەن ويسىراي ۇتىلعان «اقتوبە» ەل چەمپيوناتىندا سەگىزىنشى ورىندا تۇر. كوماندانىڭ باس باپكەرى مىندەتىن ۋاقىتشا پەتر بادلو اتقارادى.
اقتوبەلىكتەر توعىزىنشى تۋردا 2-مامىر كۇنى ءوز الاڭىندا «اقجايىقتى» قابىلدايدى.
ەسكە سالايىق، بۇدان بۇرىن فۋتبولدان قازاقستان چەمپيوناتىندا «اقجايىقتىڭ» «اقسۋدان» ۇتىلىپ قالعانىن جازعان بولاتىنبىز.
بۇگىن اقتاۋدا قاراعاندىنىڭ «شاحتەرىن» 4:0 ەسەبىمەن جەڭگەن «كاسپي» كومانداسى 16 ۇپاي جيناپ، چەمپيوناتتا قايتادان كوش باستادى.
اۆتور: ەلجان ەرالى