كۇيەۋ بالاسى ەنەسىنىڭ قاجىلىققا دەپ جيناعان اقشاسىن الىپ كەتكەن

تاراز. قازاقپارات - تارازدا كۇيەۋ بالاسى قايىن ەنەسىنىڭ ءۇيىن تونادى، دەپ حابارلايدى قازاقپارات جامبىل وبلىستىق پوليتسيا دەپارتامەنتىنە سىلتەمە جاساپ.

تاراز قالاسىنىڭ پوليتسيا بولىمىنە 66 جاستاعى ايەل حابارلاسىپ، ءۇيى تونالعانىن جەتكىزگەن.

شامامەن ساعات 00:20 دا بەلگىسىز ەر ادام ۇيىنە باسا-كوكتەپ كىرىپ، قورقىتىپ، 2450 ا ق ش دوللارىن، 100000 تەڭگەسىن، 2 التىن ساقيناسى مەن ۇيالى تەلەفونىن اشىق تۇردە الىپ كەتكەن.

جابىرلەنۋشى ايەلدىڭ ايتۋىنشا، ول قاجىلىققا بارۋ ءۇشىن اقشا جيناعان.

اتالعان دەرەككە قاتىستى قىلمىستىق كودەكستىڭ 191-بابى 3-بولىگى 3-تارماعى بويىنشا سوتقا دەيىنگى تەرگەۋ امالدارى باستالدى.

جەدەل-ىزدەستىرۋ شارالارىنىڭ ناتيجەسىندە پوليتسيا قىزمەتكەرلەرى ەكى كۇدىكتىنى انىقتاپ، ۇستادى.

ولار - تاراز قالاسىنىڭ 47 جانە 51 جاستاعى تۇرعىندارى. سونداي-اق، كۇدىكتىلەردىڭ ءبىرى جابىرلەنۋشىنىڭ كۇيەۋ بالاسى بولىپ شىقتى.

ۇستالعاندار ءوز كىناسىن تولىق مويىندادى. تەرگەۋ امالدارى ءجۇرىپ جاتىر.