قازاقستاندا ماسكا تاعۋ رەجيمى قانداي كەزدە ەنگىزىلەدى

نۇر-سۇلتان. قازاقپارات - ماسكا تاعۋ رەجيمى قىزىل ايماققا اۋىسقان كەزدە عانا ەنگىزىلەدى.

بۇگىنگى تاڭدا قازاقستاندا كوروناۆيرۋس ينفەكسياسىنىڭ الدىن الۋ بويىنشا سانيتاريالىق- ەپيدەمياعا قارسى جانە سانيتاريالىق- پروفيلاكتيكالىق ءىس-شارالاردى جۇرگىزۋ جونىندە 10 قاۋلى بار، ونىڭ ىشىندە 6 نەگىزگى قاۋلى جانە 4 نەگىزگى قاۋلىعا وزگەرىستەر ەنگىزۋ.

بۇل تۋرالى قازاقپارات سانيتاريالىق-ەپيدەميولوگيالىق باقىلاۋ كوميتەتىنە سىلتەمە جاساپ حابارلايدى.

وسى قاۋلىلاردىڭ بىرىنە سايكەس، ماسكا رەجيمىنە، الەۋمەتتىك قاشىقتىققا جانە كۇندەلىكتى «كىرۋ» سۇزگىسىن جۇرگىزۋگە قويىلاتىن تالاپتار، «Ashyq» قوسىمشاسىن پايدالانۋ، كابينەتتىك وقىتۋ جۇيەسىن جويۋ، سونداي-اق كوپشىلىك ءىس-شارالاردى وتكىزۋگە تىيىم سالۋ ءوڭىر «قىزىل» ايماققا (جوعارى ەپيدەميولوگيالىق تاۋەكەل) اۋىسقان كەزدە عانا ەنگىزىلەتىن بولادى.