زەلەنسكي رەسەيدىڭ بۇعاتتالعان قارجىسىن ۋكراينانى قالپىنا كەلتىرۋگە جۇمساۋدى ۇسىندى
بۇل تۋرالى ەل پرەزيدەنتى ۆلاديمير زەلەنسكيي حالىقارالىق ۆاليۋتا قورى مەن دۇنيەجۇزىلىك بانك كونفەرەنسياسىندا مالىمدەدى، دەپ حابارلايدى «حابار 24».
ونىڭ ايتۋىنشا، ەل ەكونوميكاسىنا كەلتىرىلگەن شىعىننىڭ ورنىن تولتىرۋ ءۇشىن ۋكرايناعا اي سايىن 7 ميلليارد دوللار قاجەت. دۇنيەجۇزىلىك بانك باسشىسى دەۆيد مەلپاس اسكەري قيمىلداردان قيراعان عيماراتتار مەن ينفراقۇرىلىمنىڭ قۇنى 60 ميلليارد دوللارعا جۋىقتايتىنىن ايتادى. وسى رەتتە زەلەنسكي رەسەيدىڭ شەتەلدە بۇعاتتالعان قارجىسىن سوعىستان كەيىن ۋكراينانى قالپىنا كەلتىرۋگە جۇمساۋدى ۇسىندى.
ۆلاديمير زەلەنسكي، ۋكراينا پرەزيدەنتى:
- قازىر بىزگە ەلىمىزدىڭ ەكونوميكالىق شىعىننىن وتەۋ ءۇشىن اي سايىن 7 ميلليارد، ال سوعىستان كەيىن ەلىمىزدى قالپىنا كەلتىرۋگە ميللياردتاعان دوللار قاجەت. رەسەي ءوزىنىڭ باسقىنشىلىق ماقساتىنا جەتە المايتىنىن ءتۇسىنۋ ءۇشىن ۋكرايناعا جان- جاقتى قولداۋ كەرەك.
www.24.kz