ەكى جىلدا مامان ازىرلەپ شىعاراتىن پيلوتتىق جوبا ەنگىزىلدى – مينيستر

نۇر-سۇلتان. قازاقپارات - بيىل العاش رەت جوعارى ءبىلىم دەڭگەيىندە «قولدانبالى باكالاۆريات» پيلوتتىق جوباسى باستالادى.

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتىپ بەردى، دەپ حابارلايدى قازاقپارات ءتىلشىسى.

«ءبىز بيىل العاش رەت جوعارى ءبىلىم دەڭگەيىندە «قولدانبالى باكالاۆرياتتى» پيلوتتىق رەجيمدە ەنگىزگەلى وتىرمىز. بۇل 2-2,5 -جىلداي قىسقا مەرزىمدە پراكتيك مامان دايارلاپ شىعارۋعا مۇمكىندىك بەرەدى. ولار وسى قىسقا مەرزىمدە ءبىلىم الىپ، جۇمىسقا تۇرا الادى. قاجەتتىلىك بولسا، ءارى قاراي وقۋ ورنىنا كەلىپ، ءبىلىمىن جالعاستىرىپ، تولىققاندى باكالاۆر دارەجەسىن الا الادى»، - دەدى ءبىلىم جانە عىلىم ءمينيسترى ۇكىمەتتىڭ بۇگىنگى وتىرىسىندا.

ونىڭ ايتۋىنشا، باكالاۆر دەڭگەيى ادەتتەگىدەي 4 جىل بولىپ قالادى. بۇل پيلوتتىق جوبادان نارىق قىسقا مەرزىم ىشىندە تاجىريبەگە باعىتتالعان مامانداردى الادى. پيلوتتىق جوبا بيىل قىركۇيەك ايىندا ىسكە قوسىلادى. ءمينيستردىڭ ايتۋىنشا، وقۋ اقىسى بويىنشا شەشىمدى ءاربىر ج و و دەربەس قابىلدايدى.

«ءومىر بويى وقۋ قاعيداسى شەڭبەرىندە ءبىز فورمالدى ەمەس ءبىلىم بەرۋ ناتيجەلەرىن تانۋعا، ميكروكۆاليفيكاتسيالار الۋعا مۇمكىندىك بەرەمىز. مىسالى تالاپكەردىڭ IELTS 7,0 سەرتيفكاتى بولسا، ج و و- دا وعان اعىلشىن ءتىلىن وقۋ قاجەتتىلىگى بولمايدى. مىسالى ول Coursera سەكىلدى قاشىقتان وقىتاتىن جۇيەلەردە ءبىلىم السا، ۋنيۆەرسيتەتتە سول باعدارلاما بويىنشا قايتا وقىپ جۇرمەيدى. مۇنىڭ ءبارى ەسكەرىلەدى»، - دەدى اسحات ايماعامبەتوۆ.

ايتا كەتەيىك، كەلەسى وقۋ جىلى ءۇشىن جوعارى وقۋ ورىندارىنا 73 مىڭ، كوللەدجدەرگە 31 مىڭ گرانت بولىنەدى. سونداي-اق، قازاقستاندا 50 گە جۋىق ەسكى ماماندىق بويىنشا وقىتۋ توقتاتىلدى جانە بۇرىن- سوڭدى بولماعان 60 قا جۋىق ماماندىق اشىلعان.

اۆتور: ايجان سەرىكجان قىزى