مۇعالىمدەردىڭ بىلىكتىلىگىن تەكسەرەتىن تەست قولدانىستان الىنا ما

نۇر-سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ كوپ جىلدىق ءوتىلى بار پەداگوگتەر نەگە ۇلتتىق بىلىكتىلىك تەستىلەۋ سىناعىن تاپسىراتىنىن ءتۇسىندىردى، دەپ حابارلايدى قازاقپارات ءتىلشىسى.

«ۋنيۆەرسيتەت بىتىرگەن 32 مىڭ ستۋدەنت تەستىلەۋدەن وتە الماي قالعانىن ايتتىم. ولار دا بىزگە رەنجىدى. «ءبىز جاڭا عانا ۋنيۆەرسيتەتى ءبىتىرىپ جاتىرمىز. ءبىلىمىمىز ءالى ەسكىرگەن جوق. نەگە ءبىزدىڭ بىلىكتىلىگىمىزدى تەكسەرۋلەرىڭىز كەرەك؟»، - دەگەن سۇراق قويدى. ءبىز ايتامىز: «سەبەبى سىزدەر بالالارمەن جۇمىس ىستەيسىزدەر. سىزدەردىڭ ءبىلىمدى، بىلىكتى بولعاندارىڭىز ماعان كەرەك ەمەس، جالپى مەملەكەتىمىز ءۇشىن قاجەت»، - دەپ جاۋاپ بەرەمىز. سول سياقتى 15 جىل بولسىن، 10 جىل بولسىن تاجىريبەسى بار مۇعالىمدەرگە دە وسى ماسەلە تيەسىلى»، - دەدى ۆەدومستۆو باسشىسى.

ونىڭ پايىمىنشا، مۇعالىمدەردى تەستىلەۋ ارقىلى سىناۋدى ولاردىڭ بىلىكتىلىگىن جوققا شىعارۋ دەپ قاراماۋ كەرەك.

«بۇل - مۇعالىمدەردىڭ 5 جىلدا ءبىر رەت ءوزىنىڭ قۇزىرەتتىلىگىن دالەلدەۋ ءۇشىن باياعىدان كەلەجاتقان ءۇردىس. سوندىقتان بۇل جۇمىس جالعاسىن تابادى»، - دەگەن مينيستر بىلىكتىلىك تەستىنەن وتپەۋ ماماننىڭ مۇعالىم بولىپ جۇمىس ىستەۋ قۇقىعىن شەكتەمەيتىنىن ەسكەرتتى.

«بۇل - مۇعالىمنىڭ ءوز بىلىكتىلىگىنە ساي ۇستەمەاقى الۋى ءۇشىن تاپسىرىلاتىن تەست»، - دەدى اسحات ايماعامبەتوۆ.