نوكداۋنعا تۇسكەن قازاق بوكسشى ارتىنشا ءبىر سوققىمەن جەڭىسكە جەتتى

نۇر-سۇلتان. قازاقپارات - قازاقستاندىق كاسىپقوي بوكسشى سۇلتان زاۋىربەك (13-0، 9 ك و) ەكىنشى جارتىلاي ورتا سالماقتىڭ رەيتينگتىك جەكپە-جەگىندە جەڭىسكە جەتتى، دەپ حابارلايدى Vesti.kz ءتىلشىسى.

لوندون تورىندە وتانداسىمىز 24 جاستاعى ارگەنتينالىق نيكولاس بوتەلليمەن (11-7، 6 ك و) قولعاپ ءتۇيىستىردى.

زاۋىربەك ءۇشىنشى راۋندتا نوكداۋنعا ءتۇسىپ قالعانىنا قاراماستان، بەسىنشى راۋندتا «پيتبۋل» لاقاپ اتىمەن تانىمال قارسىلاسىن نوكاۋتقا ءتۇسىردى.

ەسكە سالايىق، شىمكەنتتىك بوكسشى تۇماندى البيوندا مالتالىق حايتەم لاامۋزبەن (17-1، 7 ك و) قولعاپ ءتۇيىستىرىپ، WBO European بەلبەۋىن قورعاۋى ءتيىس ەدى.

الايدا ايقاسقا ءبىر كۇن قالعاندا باسقا بوكسشىمەن جۇدىرىقتاسۋعا تۋرا كەلدى.