قۇرما نەسىمەن پايدالى؟

نۇر- سۇلتان. قازاقپارات - قۇرمانىڭ دەنساۋلىققا پايداسى كوپ. بۇل ەرەكشە قۇندى ءونىم، ويتكەنى ونىڭ قۇرامىندا اعزانىڭ قالىپتى جۇمىس ىستەۋى ءۇشىن قاجەتتى جانە وسىمدىك تەكتەس ونىمدەردە كەزدەسپەيتىن زاتتار بار.

قۇرما ەنەرگيانى، اعزاداعى تەمىر قۇرامىن ارتتىرىپ، اس قورىتۋدى جاقسارتادى. سونىمەن قاتار قابىنۋعا جانە قاتەرلى ىسىككە قارسى قاسيەتتەرگە يە. سونىمەن قاتار قۇرامىندا ءارتۇرلى قورەكتىك زاتتار مەن تالشىقتار جانە انتيوكسيدانتتار بار.

بۇل كەپتىرىلگەن جەمىستە ميدىڭ جۇمىس ىستەۋىندە ماڭىزدى ءرول اتقاراتىن فوسفور مەن تىستەردى كاريەستەن قورعاۋ ءۇشىن قاجەتتى ەلەمەنت - حلور بار. پىسكەن قۇرمانىڭ قۇرامىندا А, С, В1, В2 دارۋمەندەرى جانە نياتسين كەزدەسەدى. سونىمەن قاتار قۇرما ناتري، ماگني جانە كالتسيدىڭ تاماشا كوزى بولىپ تابىلادى.

قۇرما - تەمىردىڭ ەڭ باي كوزى. 100 گرام جەمىس مينەرالدى كۇندەلىكتى تۇتىنۋدىڭ شامامەن % 10 قۇرايدى. سوندىقتان ولار انەميانىڭ الدىن الۋ جانە ەمدەۋ ءۇشىن قولدانىلۋى كەرەك. جەمىس اقۋىزعا باي، ول دەنەنى سەرگەك ۇستاۋعا جانە بۇلشىقەتتەرىڭىزدى كۇشەيتۋگە كومەكتەسەدى. كوپتەگەن كاسىبي سپورتشىلار بۇلشىقەتتەردى اقۋىزدىڭ وڭتايلى دەڭگەيىمەن قامتاماسىز ەتۋ ءۇشىن كۇنىنە بىرنەشە كەپتىرىلگەن جەمىستى پايدالانادى.

قۇرما سەلەن، مارگانەتس، مىس جانە ماگنييگە باي، ولار سۇيەك دەنساۋلىعىن ساقتاۋعا، ونىڭ قۇرىلىمىن نىعايتۋعا جانە وستەوپوروز سياقتى جاعدايلاردىڭ الدىن الۋعا كومەكتەسەدى. ءىش قاتۋدان زارداپ شەگەتىن ادامدار مىندەتتى تۇردە كۇندەلىكتى راتسيونىنا قۇرمانى قوسۋى كەرەك. ويتكەنى ولار اس قورىتۋدى قالىپقا كەلتىرەدى جانە ىشەك ترانزيتىن جاقسارتادى. مۇنىڭ ءبارى ولاردىڭ قۇرامىندا تالشىقتىڭ كوپ مولشەرىنىڭ ارقاسىندا. سونىمەن قاتار قۇرما توق ىشەك قاتەرلى ىسىگىنىڭ قاۋپىن ازايتادى.

С جانە D ۆيتاميندەرى تەرىنىڭ سەرپىمدىلىگىن ارتتىرادى جانە ونىڭ جۇمساقتىعى مەن تەگىستىگىن ساقتايدى. قۇرمانى دەرماتولوگيالىق پروبلەمالارى بار بارلىق ادام تۇتىنۋى كەرەك. جەمىستە سونداي- اق ماگني كوپ، ول جۇرەك بۇلشىقەتى مەن قان تامىرلارىن بوساڭسىتۋ ارقىلى قان قىسىمىن رەتتەۋگە كومەكتەسەدى. سونىمەن قاتار كەپتىرىلگەن جەمىستەر بۇكىل جۇرەك- تامىر جۇيەسىنىڭ دەنساۋلىعىنا پايدالى مينەرالدى كاليگە باي.

دايىنداعان: بايان ءاجمۇحان

www.24.kz