تەڭگە نىعايدى. ەندى تۇرمىستىق تەحنيكا ارزانداي ما؟

نۇر-سۇلتان. قازاقپارات - ءىرى ساۋدا جەلىلەرىنىڭ وكىلدەرى تەڭگە نىعايعاننان كەيىن ەلەكترون جانە تۇرمىستىق تەحنيكا باعاسى قالاي وزگەرگەنىن ايتتى.

Sulpak كومپانياسىنىڭ مالىمەتىنشە، وتكەن اپتادا كەيبىر كاتەگورياداعى تاۋارلاردىڭ باعاسى تۇسكەن.

«باعا ءتىرى اعزا سياقتى، وعان كوپتەگەن فاكتور اسەر ەتەدى. ونىڭ ىشىندە، قوردىڭ بولۋى، جەتكىزۋ مەن كۋرس ايىرماشىلىعى بار. كوپتەگەن تاۋار يمپورت ارقىلى كەلەدى، ال شەتەل ۆاليۋتاسى تەڭگەگە شاققانداعى باعامى ارزانداسا باعاسى دا ءتۇسۋى مۇمكىن. ول بىردەن بولاتىن نارسە ەمەس، ءسال كەشىرەك بولادى، ءبىراق جالپى باعا ءتۇسىپ جاتىر»، - دەيدى Sulpak كومپانياسىنىڭ ماركەتينگ ديرەكتورى كونستانتين يۆانيۋك.

«بەلىي ۆەتەر KZ» ج ش س ماركەتينگ ءبولىمىنىڭ باسشىسى يانا نوۆوحاتسكايا اقپاننىڭ اياعى مەن ناۋرىزدىڭ باسىنداعى باعامنىڭ وزگەرۋى جاڭادان كەلگەن تاۋار باعاسىنا اسەر ەتكەنىن ايتادى. كومپانيا وكىلىنىڭ سوزىنشە، بارلىق تاۋار يمپورت ارقىلى كەلگەن.

«ناقتى قاي تاۋاردىڭ باعاسى وسكەنىن ايتۋ قيىن. سەبەبى ناقتى تاۋار بويىنشا باعا ديناميكاسىن انىقتاۋ تالابى بولمادى. باعا تۇزەتۋ بويىنشا، باعا دوللار باعامىنا تەپە-تەڭ - 17-19 پايىزعا كوتەرىلدى»، - دەيدى يانا نوۆوحاتسكايا.

«تەحنودوم» جانە «مەچتا» ساۋدا جەلىلەرى تەڭگە باعامىنىڭ وزگەرۋىنە بايلانىستى باعا قالاي وزگەرگەنىنە قاتىستى پىكىر بىلدىرۋدەن باس تارتتى.

Tengrinews.kz