سبەربانك بورىشكەرلەردىڭ كەيبىر نەسيەسىن «حالىق بانك»-كە بەردى
«باسقاشا ايتار بولساق، بورىشكەرلەردىڭ كەيبىر نەسيەلەرى حالىق بانك-كە بەرىلدى. ءتيىستى ەسكەرتۋ كليەنتتەرگە جەكە-جەكە جىبەرىلدى. ساتىلعان زايىمداردىڭ سانى بانكتىڭ بولشەك كرەديتتىك قورجىنىڭ شامامەن تورتتەن ءبىرىن قۇرايدى. سبەربانك قالعان كرەديتتەرگە قىزمەت كورسەتۋىن جالعاستىرا بەرەدى»، - دەلىنگەن اتالعان قارجى ۇيىمىنىڭ رەسمي سايتىندا جاريالانعان اقپاراتتا.
بانكتىڭ اتاپ وتۋىنشە، بۇل پروتسەسس زاەمشىلەر ءۇشىن كرەديت شارتتارىنا قاتىستى قانداي دا ءبىر وزگەرىستەردى تالاپ ەتپەيدى. قازاقستان زاڭناماسىنا سايكەس، پايىزدىق مولشەرلەمە، مەرزىمى، تولەم مولشەرى، سونىمەن قاتار زايمدى وتەۋگە قاتىستى دەربەس كەستە وزگەرىسسىز قالا بەرەدى. ال زاەمدەرى حالىق بانك-كە بەرىلگەن ازاماتتار نەسيەلەرىن ەندىگى ۋاقىتتا اتالعان بانككە بەكىتىلگەن كەستەگە سايكەس وتەيتىن بولادى. بۇدان بۇرىن قازاقستانداعى «سبەربانك» الداعى ءۇش اي قالىپتى رەجيمدە جۇمىس ىستەيتىنى حابارلانعان.