قازاقستان حالقىنا قورى اۋىر دەرتكە شالدىققان بالالارعا كومەك كورسەتەدى
بۇل تۋرالى «قازاقستان حالقىنا» قوعامدىق قورى ءتوراعاسىنىڭ ورىنباسارى ءلاززات شىڭعىسبايەۆا ايتتى، دەپ حابارلايدى قازاقپارات ءتىلشىسى.
«بۇلشىقەت اتروفياسى (س م ا) جانە ديۋشەن سيندرومى بار 20 بالا مەن 2 ەرەسەك ادامعا ءدارى-دارمەك ساتىپ الۋعا ارنالعان كەلىسىمشارت قول قويۋ كەزەڭىندە»، - دەدى ل. شىڭعىسبايەۆا ورتالىق كوممۋنيكاتسيالار قىزمەتىندە.
تاراتىلعان مالىمەتكە قاراعاندا، جاقىن ارادا مۋكوۆيستسيدوز دياگنوزى قويىلعان 16 بالاعا ءدارى-دارمەك ساتىپ الۋعا قارجىلاندىرۋ جۇرگىزىلەدى. مۇنىمەن قوسا، جۇلىن بۇلشىقەتتەرىنىڭ اتروفياسى بار 4 بالاعا قازاقستاندا تىركەلمەگەن قىمبات تۇراتىن Onasemnogen abeparvovec (Zolgensma) پرەپاراتىن ساتىپ الۋ تۋرالى شەشىم قابىلداندى.
ايتا كەتەيىك، قازىر ءتورت ناۋقاسقا دا ءدارى-دارمەك بەرىلدى. ءلاززات شىڭعىسبايەۆانىڭ ايتۋىنشا، ماسكەۋ قالاسىندا ب ق و تۇرعىنىن حيرۋرگيالىق ەمدەۋدى ۇيىمداستىرۋعا قايىرىمدىلىق كومەك جانە اتىراۋ وبلىسىنان تۋا بىتكەن جۇرەك اقاۋىنىڭ اسا اۋىر تۇرىمەن اۋىراتىن بالانى كورەيانىڭ سەۋل قالاسىنداعى مەديتسينالىق مەكەمەگە جەتكىزۋگە كومەك كورسەتىلدى.
قايىرىمدىلىق كومەك كورسەتۋدى جالعاستىرا وتىرىپ، قور كەلەسى باعىتتار بويىنشا جوبالار مەن باعدارلامالاردى جۇزەگە اسىرۋعا كىرىسەدى.
دەنساۋلىق ساقتاۋ سالاسىندا:
- ورفاندىق دەرتكە شالدىققان ناۋقاستاردى ءدارى-دارمەكپەن قامتاماسىز ەتۋ جوباسى؛
- مەديتسينالىق ۇيىمداردى وفتالمولوگيالىق، اۋديولوگيالىق سكرينينگتەر مەن اۋرۋلاردى ەرتە دياگنوستيكالاۋ ءۇشىن جابدىقتارمەن قامتاماسىز ەتۋ باعدارلامالارى؛
- اعزالار مەن تىندەردى ترانسپلانتاتسيالاۋعا، ونكولوگيالىق جانە ونكوگەماتولوگيالىق پاتولوگيالارعا مۇقتاج ناۋقاستارعا قايىرىمدىلىق كومەك كورسەتۋ جوبالارى؛
- مۇگەدەكتەردى (بالالار مەن ەرەسەكتەردى)، اتاپ ايتقاندا، بيونيكالىق پروتەزدەرى بارلاردى وڭالتۋ ءۇشىن تەحنيكالىق قۇرالدارمەن قامتاماسىز ەتۋ باعدارلامالارى.
بۇدان بۇرىن حابارلانعانداي، قاڭتار وقيعاسىندا قازا بولعان 13 ادامنىڭ تۋىستارىنا قوردان قاراجات اۋدارىلماق.