بيىل جەڭىس كۇنىنە ارنالعان اسكەري پاراد وتپەيدى - قورعانىس مينيسترلىگى
13:01, 13 - ءساۋىر 2022
نۇر- سۇلتان. قازاقپارات - بيىل نۇر- سۇلتان قالاسىندا جەڭىس كۇنىنە ارنالعان اسكەري پاراد ۇيىمداستىرىلمايدى، دەپ حابارلادى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
«2022 -جىلى قازاقستان رەسپۋبليكاسى قارۋلى كۇشتەرىنىڭ قۇرىلعانىنا 30 جىل تولۋىنا جانە 1941-1945 -جىلدارداعى ۇلى وتان سوعىسىنداعى جەڭىس كۇنىنە ارنالعان اسكەري پارادتى وتكىزۋ جوسپاردا جوق»، - دەلىنگەن حابارلامادا.
ۆەدومستۆو، الايدا مەرەكەگە وراي اسكەري- پاتريوتتىق ءىس- شارالار وتكىزۋ كوزدەلىپ وتىرعانىن مالىمدەدى. ۇلى وتان سوعىسىنىڭ جانە قازاقستان رەسپۋبليكاسى قارۋلى كۇشتەرىنىڭ ارداگەرلەرىن قۇرمەتتەۋ جونىندەگى جيىندار دا بار.
«قورعانىس مينيسترلىگىمەن ەلىمىزدىڭ بارلىق وڭىرىندە وتكىزىلەتىن 50-گە جۋىق ءتۇرلى شارا جوسپارلانعان»، - دەپ اتاپ وتكەن ۆەدومستۆودان.