قازاقستان حالقى اسسامبلەياسىنان ءماجىلىس دەپۋتاتتىعىنا كانديداتتار ۇسىنىلدى

نۇر-سۇلتان. قازاقپارات - قازاقستان حالقى اسسامبلەياسى پارلامەنت ماجىلىسىنە ەكى كانديداتتى ۇسىندى.

بۇل تۋرالى ق ر ورتالىق سايلاۋ كوميسسياسىنان ءمالىم ەتتى، دەپ حابارلايدى قازاقپارات.

بۇگىن ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتىڭ توراعالىعىمەن ۆەدومستۆو وتىرىسى ءوتتى.

وندا ق ر پارلامەنتى ءماجىلىسىنىڭ شىعىپ قالعان دەپۋتاتىنىڭ ورنىنا سايلاۋ ءۇشىن قازاقستان حالقى اسسامبلەياسىنان ۇسىنىلعان كانديداتتاردى تىركەۋ ماسەلەسى قارالدى.

داۋىس بەرۋ بيىلعى 28- ساۋىرگە تاعايىندالعان. قازاقستان حالقى اسسامبلەياسى كەڭەسىنىڭ شەشىمىمەن ءماجىلىس دەپۋتاتتىعىنا 2 كانديدات ۇسىنىلدى:

1) كۋزيەۆ زاكيرجان پيرمۋحامەدوۆيچ - 1969-جىلى تۋعان، ۇيعىر، «ۋنيۆەرسال» ج ش س باقىلاۋ كەڭەسىنىڭ ءتوراعاسى، الماتى قالاسىندا تۇرادى؛

2) تۆاريوناس ۆيتالي يونو - 1964-جىلى تۋعان، ۇلتى ليتۆالىق، «ۆيكينگ» «مەملەكەتتىك ەمەس كۇزەت قۇرىلىمى» ج ش س زاڭگەرى، قاراعاندى قالاسىندا تۇرادى.

ورتلىق سايلاۋ كوميسياسى مۇشەلەرى اتالعان كانديداتتاردى تىركەۋ تۋرالى قاۋلى قابىلدادى.

ۇمىتكەرلەر سايلاۋ بيۋللەتەنىنە ەنگىزىلەدى.

ايتا كەتەيىك، سايلاۋ بيۋللەتەنىنە «بارىنە قارسىمىن» جولى ەنگىزىلەدى. سايلاۋ بيۋللەتەندەرى مەملەكەتتىك تىلدە جانە ورىس تىلىندە باسىلادى.