قاڭتاردا الماتى اۋەجايىن باسىپ الۋعا پوليتسيا باستىعى جول بەرگەن – پروكۋراتۋرا
«سونىمەن بىرگە، الماتى قالاسى اۋەجايىنىڭ جەلىلىك پوليتسيا ءبولىمىنىڭ باستىعى ۇستالدى. ول ءوزىنىڭ قىزمەتتىك مىندەتتەرىن ورىندامادى، اۋەجايدى كۇزەتسىز قالدىردى. وسىلايشا اۋەجايدى باسىپ الۋعا جول بەردى. سالدارىنان اۋەجايعا ايتارلىقتاي زيان كەلدى. ونىڭ ينفراقۇرىلىمى بۇزىلدى، كاسىپكەرلەردىڭ مۇلكى ۇرلانىپ، جولاۋشىلاردىڭ ءومىرى مەن دەنساۋلىعىنا ناقتى قاۋىپ ءتوندى»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
ەلدوس قيلىمجانوۆ سول كەزدە اۋەجايدا 165 قاۋىپسىزدىك قىزمەتكەرى، ونىڭ ىشىندە 40 پوليتسيا قىزمەتكەرى، 65 شەكاراشى، 60 اۆياتسيالىق قاۋىپسىزدىك قىزمەتكەرى بولعانىن اتاپ ءوتتى. «ولاردىڭ بارلىعى دا شابۋىلعا تويتارىس بەرۋ ءۇشىن جەتكىلىكتى اتىس قارۋلارىمەن قامتاماسىز ەتىلگەن بولاتىن»، - دەدى ق ر باس پروكۋراتۋراسىنىڭ 1-قىزمەت باستىعىنىڭ ورىنباسارى.
باس پروكۋراتۋرا دەرەگى بويىنشا، قاڭتار وقيعاسى كەزىندە الماتى قالاسىنداعى جاپپاي تارتىپسىزدىكتەرگە 12 ۇيىمداسقان قىلمىستىق توپ قاتىسقان.