قىتايدىڭ ءىرى مەگاپوليستەرىندە كوروناۆيرۋسقا بايلانىستى ساباق توقتاتىلادى

بەيجىڭ. قازاقپارات - قىتايدىڭ وڭتۇستىگىندەگى گۋاڭدۇڭ پروۆينتسياسىنىڭ گۋاڭجوۋ قالاسىنداعى مەكتەپتەر دۇيسەنبىدەن باستاپ وقىتۋدى توقتاتادى.

بۇل شەكتەۋلەر كوروناۆيرۋستىڭ تارالۋىن تەجەۋ ماقساتىندا قابىلداندى، دەپ حابارلايدى قازاقپارات ءتىلشىسى.

«11- ساۋىردەن باستاپ قىتاي مەگاپوليسىندەگى باستاۋىش جانە ورتا مەكتەپ وقۋشىلارى قاشىقتان وقىتۋعا كوشەدى»، - دەلىنگەن جەرگىلىكتى بيلىك وكىلدەرىنىڭ مالىمدەمەسىندە.

سونىمەن قاتار، قالاداعى مەكتەپتەن تىس ءبىلىم بەرۋ ۇيىمدارىندا كۇندىزگى بولىمدە ساباقتار بولمايدى. جوعارى وقۋ ورىندارى جابىق باسقارۋ رەجيمىنە اۋىستىرىلۋدا. بالالاردى بالاباقشالارعا قابىلداۋ دا جۇرگىزىلمەيدى. اكىمشىلىك جەرگىلىكتى تۇرعىنداردى گۋاڭجوۋدان ورىنسىز كەتپەۋگە شاقىرادى.

وتكەن دەمالىس كۇندەرى مەگاپوليستە حالىقتى كوۆيدكە تەستىلەۋدىڭ جاپپاي قالالىق ناۋقانى باستالدى. دۇيسەنبىدەگى جاعداي بويىنشا 19 ميلليوننان استام تۇرعىن پ ت ر سىناقتارىنان ءوتتى.

رەسمي مالىمەتتەرگە سايكەس، وتكەن تاۋلىكتە گۋاڭجوۋدا كوروناۆيرۋس ينفەكسياسىن جۇقتىرۋدىڭ 22 جاعدايى انىقتالدى. مەگاپوليس بيلىگى COVID-19 جۇقتىرعان ناۋقاستارعا ارنالعان ۋاقىتشا اۋرۋحانانىڭ قۇرىلىسىن الدىن الا باستادى.

اۆتور: سماعۇلوۆا ەركەجان