ۇلىتاۋ وقۋشىلارى اتقا ءمىنۋ مادەنيەتىن ۇيرەنىپ ءجۇر

ۇلىتاۋ. قازاقپارات - ماكەن تورەگەلدين اتىنداعى جەزدى كەنتىنىڭ تاۋ- كەن جانە بالقىتۋ ءىسى تاريحى مۇراجايىنىڭ قىزمەتكەرلەرى جەرگىلىكتى مەكتەپ مۇعالىمدەرىمەن بىرلەسە وتىرىپ وقۋشىلارعا اتقا ءمىنۋ مادەنيەتى بويىنشا ساباقتار وتكىزىپ جاتىر، دەپ حابارلايدى قازاقپارات ءتىلىشىسى.

وسىنداي ساباقتاردىڭ بىرىندە № 6 تىرەك مەكتەبىنىڭ توعىزىنشى جانە ونىنشى سىنىپ وقۋشىلارىنا جىلقىنى قالاي دۇرىس ەرتتەۋ كەرەكتىگىن ۇيرەتتى. بالالارعا جىلقى تۇرلەرى تۋرالى ايتىلىپ، ات ەرتتەۋگە ارنالعان جابدىقتار تانىستىرىلدى.

«ءبىزدىڭ مۇراجايدا «مۇراگەر» جاس تاريحشىلار كلۋبى جۇمىس ىستەيدى، وندا بەلسەندى وقۋشىلار اينالىسادى. ولار جوبالىق قىزمەتكە قاتىسادى. وسى بالالارمەن جانە ەكى جەرگىلىكتى مەكتەپتىڭ باسقا دا وقۋشىلارىمەن ءتۇرلى ءىس- شارالار وتكىزەمىز.

«ۇلى دالانىڭ جەتى قىرى» باعدارلاماسى اياسىندا №6 تىرەك مەكتەبىنىڭ وقۋشىلارىنا «اتقا ءمىنۋ مادەنيەتى» تاقىرىبىندا ساباق وتتىك. العان تەوريالىق ءبىلىمىن بەكىتۋ ءۇشىن مەكتەپ پەداگوگى گۇلجانات ابلايەۆا جانە مۇراجاي قىزمەتكەرى ابزال قاپاروۆپەن بىرلەسىپ تاجىريبەلىك ساباق ۇيىمداستىردىق. بۇل جۇمىس بىزدە 2019 -جىلدان بەرى جۇرگىزىلىپ كەلەدى»، - دەيدى عىلىمي- زەرتتەۋ قىزمەتىن قامتاماسىز ەتۋ، ەكسكۋرسيالىق- بۇقارالىق جانە ەكسپوزيتسيالىق جۇمىس ءبولىمىنىڭ مەڭگەرۋشىسى ءۇرزيا قاپاروۆا.

جەزدى كەنتىندە ءار وتباسى مال، سونىڭ ىشىندە جىلقى وسىرەدى. سوندىقتان مەكتەپ وقۋشىلارى ەرتە جاستان اتقا ءمىنۋ تاجىريبەسىمەن تانىس. ءبىراق ءبارى بىردەي جىلقىنى دۇرىس ەرتتەي المايدى.

«ءبىز ولارعا مۇراجايدا بار ەكسپوناتتاردى، ەر- توقىم، ابزەلدەردى كورسەتتىك. ولار جىلقىنى ەرتتەپ، سەرۋەنگە دايىنداۋعا كومەكتەستى. بالالارعا وتە قىزىقتى بولدى. ءبىز بۇل تاجىريبەنى جالعاستىرۋعا نيەتتىمىز»، - دەپ قوستى ءۇرزيا قاپاروۆا.

اۆتور: اگاتا مۋحامەدجانوۆا