ەلىمىزدە ءتۇستى مەتالدار قورى تاۋسىلۋعا جاقىن تۇر
ماسەلە قالاي شەشىلمەك؟
الداعى 10-15 جىلدا قازاقستاننىڭ ءتۇستى مەتالدار قورى تاۋسىلۋى مۇمكىن. سالا قاۋىمداستىعى وكىلدەرى وسىنداي بولجام جاسادى. ماسەلەنىڭ الدىن الۋ ءۇشىن بارلاۋ جۇمىستارىنا كوڭىل ءبولۋ كەرەك دەيدى ماماندار.
جالپى تاۋ- كەن مەتاللۋرگياسى قازاقستان ەكونوميكاسىنداعى باستى سالالاردىڭ ءبىرى. ول ونەركاسىپ ءونىدىرىسىنىڭ %- ءىن، ىشكى جالپى ءونىمنىڭ - ءىن بەرەدى. سوڭعى ءۇش جىلدا الەمدە بارلاۋ جۇمىستارىن باعالاۋ مەن تالداۋدا وتە ۇلكەن تەحنولوگيالىق سەرپىلىس بولدى. وعان جاساندى ينتەللەكت پەن بۇلتتى تەحنولوگيالار كىرەدى. گەولوگتار جيناعان اقپاراتتى جاساندى ينتەللەكت كومەگىمەن وڭدەپ، ناتيجەگە بۇرىنعىعا قاراعاندا ءجۇز ەسە جىلدام قول جەتكىزۋگە مۇمكىندىك بار. بۇل تەك گەولوگيالىق بارلاۋ جۇمىستارىنا قاتىستى. بۇگىندە جاڭا تەحنولوگيانى تاۋ- كەن ءوندىرىسىنىڭ باسقا دا باعىتتارىندا كەڭىنەن پايدالانادى.
تولەگەن مۇقانوۆ، رەسپۋبليكالىق تاۋ- كەن ءوندىرۋشى جانە تاۋ- كەن مەتاللۋرگيالىق كاسىپورىنداردىڭ قاۋىمداستىعى اتقارۋشى ديرەكتورىنىڭ ءبىرىنشى ورىنباسارى:
- ءبىزدىڭ قازاقستانداعى جەر قويناۋىنداعى بايلىقتارعا سوۆەت ۇكىمەتى كەزىندە عانا بارلاۋ جۇرگىزىلگەن. سونىڭ ىشىندە ءتۇستى مەتالل جونىندە. ولاردىڭ قورى 10-15 جىلداي قالدى. سوندىقتان قازىر ەڭ وزەكتى ماسەلەردىڭ ءبىرى ساپالى جەر قويناۋىنداعى مەتاللداردى بارلاۋ.
تاۋ- كەن مەتاللۋرگيا ونىمدەرى تاسىمالىندا قيىندىقتار بار - 2019 -جىلدان بەرى گەولوگيالىق بارلاۋ جۇمىستارىنا 1700-دەي ليتسەنزيا بەرىلگەن. بۇل تۋرالى ەلوردادا ءوتىپ جاتقان ماينەكس قازاقستان-2022 حالىقارالىق تاۋ- كەن گەولوگيالىق فورۋمىندا ءسوز بولدى. جيىن قازاقستان مەن ورتالىق ازيا اۋماعى ەلدەرىنە تاۋ كەن ءوندىرىسى سالاسىنا جاڭا تەحنولوگيالار مەن ينۆەستيا تارتۋعا باعىتتالعان. بيىلعى فورۋمدا الەمدىك نارىقتاعى وزگەرىستەر تالقىلاندى. قازاقستانداعى جەر قويناۋىن پايدالانۋشىلار مەن ينۆەستورلاردى قانداي وزگەرىستەر كۇتىپ تۇرعانى ءسوز بولدى.
ەسكە سالايىق، ەلدە 2025 -جىلعا دەيىن شىعارىلاتىن كومىرقىشقىل گازداردى % 30- كە دەيىن ازايتۋ مىندەتى قويىلعان. ءبىراق سالا ماماندارى كۇن تارتىبىندەگى وزەكتى ماسەلەلەرگە دە توقتالدى. ونىڭ ىشىندە تاۋ- كەن ونىمدەرىن تاسىمالداۋدا رەسەي مەن ۋكراينا شيەلەنىسى ناتيجەسىندە تۋىنداعان لوگيستيكالىق قيىندىقتار.
تولەگەن مۇقانوۆ، رەسپۋبليكالىق تاۋ- كەن ءوندىرۋشى جانە تاۋ- كەن مەتاللۋرگيالىق كاسىپورىنداردىڭ قاۋىمداستىعى اتقارۋشى ديرەكتورىنىڭ ءبىرىنشى ورىنباسارى:
- قازىرگى مىناۋ گەوساياساتقا بايلانىستى تاۋ- كەن مەتاللۋرگيا سالاسىندا وتە كۇردەلى ماسەلەلەر پايدا بولدى. ءبىز شىعاراتىن ءونىمىمىزدى شەتەلگە جىبەرە الماي وتىرمىز. بۇرىن وسىنىڭ ءبارى رەسەي ارقىلى وتەتىن. رەسەيدىڭ پورتتارى ارقىلى وتەتىن، قيىر شىعىستان، قارا تەڭىزدەن. سوندىقتان بۇل ماسەلەگە قازىر باسقا لوگيستيكا قارالىپ جاتىر. ءوزىمىزدىڭ پورت اقتاۋ دەيمىز، باسقا جولدار. بۇل ماسەلەلەردە بىرىنشىدەن، ءبىزدىڭ تاۋارىمىزدىڭ باعاسىن قىمباتتادى لوگيستيكا وزگەرگەن سوڭ. ەكىنشىدەن، ءالى بۇل ماسەلە شەشىلمەي جاتىر. پورت اقتاۋ وسىنشا ءونىمدى قابىلداۋعا دايىن ەمەس.
www.24.kz