سەناتور مەملەكەتتىڭ سىرتقى قارىزدارىنىڭ تۇراقتى وسۋىنە الاڭداۋشىلىعىن ءبىلدىردى

نۇر-سۇلتان. قازاقپارات - دەپۋتات نۇرلان بەكەنوۆ سەنات وتىرىسىندا سىرتقى مەملەكەتتىك قارىزداردىڭ تۇراقتى وسۋىنە الاڭداۋشىلىعىن ءبىلدىردى.

ەلىمىزدىڭ پرەمەر-ءمينيسترى ءاليحان سمايىلوۆتىڭ اتىنا جولداعان دەپۋتاتتىق ساۋالىندا ول مۇنداي قارىزداردى پايدالانۋدا تيىمدىلىك دەڭگەيى تومەن ەكەنىن اتاپ ءوتتى، دەپ حابارلايدى قازاقپارات ءتىلشىسى.

«قارجى مينيسترلىگىنىڭ اقپاراتىنا سايكەس، 2022 -جىلعى 1-قاڭتارداعى جاعداي بويىنشا مەملەكەتتىك قارىز 22 تريلليون تەڭگەگە نەمەسە ج ءى ءو-نىڭ ',4-ىنا جەتتى. ۇكىمەتتىڭ سىرتقى بورىشى، مەملەكەت پەن كۆازيمەملەكەتتىك سەكتوردىڭ كەپىلدىك بەرگەن سىرتقى بورىشى 37 ميلليارد ا ق ش دوللارىن قۇرادى، بۇل ۇلتتىق قور اكتيۆتەرىنىڭ g ىن قۇرايدى جانە شەكتى مانگە جاقىنداپ كەلەدى. ۇلتتىق قوردى قارىزداردى وتەۋ بويىنشا كەپىلدەندىرىلگەن رەزەرۆ رەتىندە عانا قاراستىرۋعا بولمايدى دەپ ويلايمىن»، - دەدى نۇرلان بەكەنوۆ.

سەناتور قازىرگى تاڭدا جالپى سوماسى 12,2 ميلليارد دوللاردى قۇرايتىن ۇكىمەتتىك سىرتقى 52 قارىز بار ەكەنىن اتاپ ءوتتى. بۇل رەتتە بار بولعانى ونىڭ 80 پايىزى يگەرىلىپ وتىر. دەپۋتات ەلىمىزدىڭ سىرتقى قارىزىنىڭ ارتۋىنا ىقپال ەتەتىن نەگىزگى فاكتورلاردىڭ قاتارىندا ءتيىمسىز پايدالانۋ، قارىز اقشاعا سۇرانىستىڭ جوقتىعى، نەسيەنىڭ ءبىر بولىگىن جويۋ، سونداي-اق كۆازيمەملەكەتتىك كومپانيالاردىڭ اقشانى وندىرىستىك ەمەس ماقساتقا تارتۋىن اتاپ ءوتتى. «قازمۇنايگاز» ا ق ەنشىلەس ۇيىمىنىڭ ءوز قارجىسى بولا تۇرا، 2017 -جىلى اكسيونەرلەرگە ديۆيدەند تۇرىندە بەرۋ ماقساتىندا 300 ميلليون ا ق ش دوللارى سوماسىن ءۇش جىل مەرزىمگە قارىزعا الدى. ياعني، بۇل قارىز ديۆيدەندتەر تولەۋ ءۇشىن الىندى. بۇل حالىقارالىق قارىزداردى ءجونسىز جوسپارلاۋ مەن پايدالانۋدىڭ جەكەلەگەن مىسالدارى عانا»، - دەدى دەپۋتات.

ن. بەكەنوۆ اعىمداعى جاعدايدى جاقسارتۋ ءۇشىن سىرتقى مەملەكەتتىك قارىزداردىڭ تيىمدىلىگى ماسەلەلەرى بويىنشا سەناتورلاردىڭ مەملەكەتتىك ورگاندار مەن كۆازيمەملەكەتتىك سەكتور وكىلدەرىمەن كەزدەسۋى بارىسىندا ازىرلەنگەن ءبىرقاتار جۇيەلى شارالاردى اتاپ ءوتتى. ولاردىڭ ىشىندە ساتىپ الۋ ۇدەرىسىنە جانە كەلىسىمشارتتى باسقارۋعا تۇراقتى مونيتورينگتى جۇزەگە اسىرۋ، ودان ءارى وزەكتىلىگىن جويۋ ءۇشىن ازىرلەنىپ جاتقان جوبالاردىڭ ساپاسىن ارتتىرۋ شارالارى بار. ول ءۇشىن سەناتور قارجىلاندىرۋدىڭ اعىمداعى باعىتتارىن ءجىتى تالداۋ، جوبالىق- سمەتالىق قۇجاتتامانىڭ قۇنىن ناقتى رەتتەۋ جانە ەكونوميكانىڭ بارلىق سالالارىنداعى شىعىنداردىڭ باسىمدىقتارىن بەلگىلەۋ ارقىلى سىرتقى قارىزداردى تارتۋدى ماڭىزدى دەپ سانايدى.