قازاقستاندا كولىك باعاسى قىمباتتاي ما؟

نۇر-سۇلتان. قازاقپارات - قازاقستاندا كولىكتەر قىمباتتايدى، ونىڭ ىشىندە جاڭا كولىكتەر ءسوزسىز قىمباتتايدى.

اتاپ ايتساق، BMW ،Hyundai ،Subaru ،Jaguar ،Land Rover ،Volvo ،MIN ،Haval جانە Chery كولىكتەرىنە اسەر ەتەدى.

بۇل تۋرالى aikyn.kz حابارلايدى.

بيىلدىڭ وزىندە وسى ماركاداعى كولىكتەر باعاسى ورتاشا ەسەپپەن سەگىز پايىزعا كوتەرىلگەن. بۇل تۋرالى كومپانيانىڭ باسپا ءسوز قىزمەتى حابارلادى. «استانا موتورس» كومپانياسى مالىمەتىنە سۇيەنسەك، بۇعان اقپان- ناۋرىزداعى ۆاليۋتا باعامىنىڭ وزگەرۋى سەبەپ بولعان.

«Hyundai اۆتوكولىكتەرى باعاسىنىڭ ءوسۋىن باقىلاۋدا ۇستاي الدىق. ءبىراق قۇرامداس بولىكتەردىڭ جاڭا باعاممەن جەتكىزىلۋى جانە لوگيستيكالىق تاريفتەردىڭ وزگەرۋىنە بايلانىستى ءساۋىردىڭ باسىنان بەرى كەيبىر ۇلگىلەر باعاسى وزگەردى. الماتىداعى Hyundai Trans Kazakhstan زاۋىتىندا قۇراستىرىلاتىن Hyundai كولىكتەرىنىڭ بۇرىنعى باعاسىن ساقتاي الدىق.

الايدا، بۇل كولىكتەر قىمباتتايتىنى ءسوزسىز. ويتكەنى ءبىز بولشەكتەر، بولات جانە لوگيستيكا باعاسىنا تاۋەلدىمىز. ولاردىڭ جاڭا جەتكىزىلىمدەرى جاڭا باعامەن كەلەدى، سايكەسىنشە، بۇل اۆتوموبيل قۇنىنا اسەر ەتەدى. ۆاليۋتا باعامىنىڭ اۋىتقۋى، سونداي- اق بولات، قۇراۋىشتار جانە لوگيستيكانىڭ قىمباتتاۋىنان بولەك، اۆتوموبيلدەر قۇنىنا مودەلدەر مەن وپتسيالار جيىنتىعىنىڭ جاڭارتىلۋى اسەر ەتۋى مۇمكىن»، - دەيدى «استانا موتورس» وكىلدەرى.