ەرالى توعجانوۆ قاي سالادا قىزمەتكەرلەردىڭ جالاقىسى ارتاتىنان ايتتى
بۇل تۋرالى ءماجىلىستىڭ جالپى وتىرىسىندا ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.
«قۇرمەتتى دەپۋتاتتار! سىزدەردىڭ وڭىرلەرگە ساپارلارىڭىز بارىسىندا كوتەرىلگەن ەكى مىڭعا جۋىق سۇراقتار ۇكىمەت تاراپىنان جان-جاقتى ساراپتالىپ، قارالدى. بۇل سۇراقتاردىڭ نەگىزگى تاقىرىبى ۇكىمەتكە ازاماتتاردان تىكەلەي كەلىپ تۇسكەن 1800 وتىنىشتە باياندالعان تالاپ تىلەكتەرمەن سايكەس كەلىپ وتىر. دەمەك، بۇل ءوڭىر تۇرعىندارى شەشىمىن كۇتىپ تۇرعان وزەكتى ماسەلەلەر. ولار بويىنشا مەملەكەتتىك اپپاراتتىڭ جان-جاقتى زەردەلەنگەن شەشىمى قاجەت. بۇل سۇراقتاردىڭ شەشىمى بۇگىنگى وتىرىسقا قاتىسىپ وتىرعان ۇكىمەت مۇشەلەرى جۇمىسىنىڭ كۇن تارتىبىنە ەنگىزىلىپ، مينيسترلەردىڭ وڭىرلەرگە ساپارلارى اياسىندا ناقتى قارالاتىن بولادى. بۇل باعىتتا دەپۋتاتتىق كورپۋستى بىرلەسە جۇمىس جاساۋعا شاقىرامىز. وسى ورايدا «جاڭا قازاقستاننىڭ كۇن ءتارتىبى - ازاماتتاردىڭ ءال- اۋقاتىن ارتتىرۋ، تابىس تاپشىلىعىن جويۋ، جۇمىس ورىندارىن قۇرۋ جانە ينفلياتسيانى تەجەۋ» دەگەن مەملەكەت باسشىسىنىڭ ءسوزى بۇگىنگى كۇنى الدىمىزدا تۇرعان نەگىزگى مىندەت ەكەنىن اتاپ ايتقىم كەلەدى»، - دەدى ە. توعجانوۆ.
ونىڭ ايتۋىنشا، سۇراقتاردىڭ نەگىزگى بلوگى - ناقتى تابىستى ارتتىرۋعا، كەدەيلىك دەڭگەيىن تومەندەتۋگە قاتىستى.
«وزدەرىڭىزگە بەلگىلى، پاندەميا، جاھاندىق ەكونوميكالىق داعدارىس حالىقتىڭ كىرىسىنىڭ تومەندەۋىنە اسەر ەتتى. مەملەكەت باسشىسىنىڭ تاپسىرماسىنا سايكەس ازىرلەنگەن حالىق تابىسىن ارتتىرۋ باعدارلاماسىندا ازاماتتار كىرىسىن كوتەرۋگە باعىتتالعان ناقتى شارالار قاراستىرىلعان. بىرىنشىدەن - بۇل بيۋدجەت سالاسى جانە كۆازيمەملەكەتتىك سەكتوردىڭ 1 ميلليوننان اسا قىزمەتكەرىنىڭ، سونداي-اق مەملەكەتتەن قولداۋ الاتىن بيزنەستىڭ 2,8 ميلليون جۇمىسشىسىنىڭ جالاقىسىن كوتەرۋ. ەكىنشىدەن، ەكونوميكانىڭ بارلىق سالالارىندا جاڭادان اشىلاتىن 2 ميلليون جۇمىس ورىندارىنىڭ تابىسىن ارتتىرۋ. ونىڭ ىشىندە بۇرىن سىرتتان اكەلىنگەن، وندىرىستە سۇرانىسقا يە تاۋارلاردىڭ 19 ءتۇرى بويىنشا جاڭا كاسىپورىندار قۇرۋ. فارماتسەۆتيكا، بيوتەحنولوگيا، IT- تەحنولوگيا جانە مۇناي- حيميا سالاسىندا شيكىزاتى جوعارى – 5-شى جانە 6-دەڭگەيدە وڭدەۋگە نەگىزدەلگەن وڭدەۋشى ونەركاسىپتى دامىتۋ ارقىلى ىسكە اسىرالادى. ۇشىنشىدەن، ءىرى كاسىپورىندار اينالاسىندا شاعىن جانە ورتا بيزنەس بەلدەۋىن قۇرۋ ارقىلى كاسىپكەرلىكتەن تۇسەتىن تابىستى ارتتىرۋ»، - دەدى ۇكىمەت باسشىسىنىڭ ورىنباسارى.
تورتىنشىدەن، «باقىتتى وتباسى» سياقتى جوبالار ارقىلى كوپ بالالى جانە مۇگەدەك بالا تاربيەلەپ وتىرعان انالارعا جىل سايىن 20 مىڭ جۇمىس ورىندارىن قۇرۋ ەسكەرىلگەن. مۇنىمەن قوسا، «جاستار پراكتيكاسى»، «ءبىرىنشى جۇمىس ورنى» جوبالارى جانە (400-ايلىق ەسەپتىك كورسەتكىش كولەمىندە) گرانتتار بەرۋ ارقىلى 160 مىڭ جاستى جۇمىسقا تارتۋ