د د ۇ: ميللياردتاعان ادام لاستانعان اۋامەن تىنىس الۋدا
بۇل تۋرالى «قازاقپارات» ح ا ا ب ۇ ۇ جاڭالىقتار ورتالىعىنا سىلتەمە جاساپ حابارلايدى.
قازىرگى كەزدە 117 ەلدىڭ 6 مىڭنان استام قالاسىندا اۋا ساپاسىنا مونيتورينگ جاسالۋدا. لاستانعان اۋانىڭ قۇرامىندا ۇساق قاتتى بولشەكتەر مەن ازوت ديوكسيدى جوعارى، بۇل جاعداي، اسىرەسە، تابىسى تومەن جانە ورتاشا ەلدەردە ءجيى كەزدەسەدى. د د ۇ قازبالى وتىندى پايدالانۋدى شەكتەۋگە جانە اۋانىڭ لاستانۋىن ازايتۋ ءۇشىن باسقا دا شارالار قولدانۋعا ۇندەپ وتىر. بۇل دەرەكتەر بيىل «ءبىزدىڭ پلانەتا — ءبىزدىڭ دەنساۋلىعىمىز» ۇرانىمەن وتەتىن دۇنيەجۇزىلىك دەنساۋلىق كۇنى قارساڭىندا شىعارىلعان د د ۇ اۋا ساپاسى تۋرالى 2022 -جىلعى جاڭارتىلعان اقپارات قورىنان الىنعان.
دەرەكتەر بازاسى الەمدەگى اۋانىڭ جاي- كۇيىن باقىلاۋ ماقساتىندا قۇرىلدى جانە تۇراقتى دامۋ ماقساتتارىنا قول جەتكىزۋدەگى ىلگەرىلەۋدى باقىلاۋ ءۇشىن پايدالانىلادى. اۋا قۇرامىنداعى لاستاۋشى زاتتاردىڭ تومەن دەڭگەيى دە دەنساۋلىققا ايتارلىقتاي زيان كەلتىرەدى. قاتتى بولشەكتەر وكپەگە تەرەڭ ەنىپ، قان اينالىمى جۇيەسىنە ءسىڭىپ، جۇرەك- قانتامىر جانە تىنىس الۋ جۇيەلەرىنە اسەر ەتەدى. اۋاداعى ازوت ديوكسيدىنىڭ مولشەرى تىنىس الۋ ورگاندارى اۋرۋلارىن، اتاپ ايتقاندا دەمىكپە تۋدىرادى.
ەل ۇكىمەتتەرىنىڭ اۋانىڭ ساپاسىن جاقسارتۋ ءۇشىن جاساي الاتىن قادامدارعا: د د ۇ تالاپتارىنا سايكەس كەلەتىن ۇلتتىق ستاندارتتار ەنگىزۋ، اۋا ساپاسىنا مونيتورينگ جۇرگىزۋ، تەك ەكولوگيالىق تازا تۇرمىستىق ەنەرگياعا كوشۋ، شىعارىندىلار سالاسى مەن كولىك قۇرالدارىنىڭ ەففەكتيۆتىلىگىنە قاتاڭ ستاندارتتار قويۋ، سونداي- اق ەنەرگوتيىمدى تۇرعىن ءۇي مەن ەلەكتر ەنەرگياسىن وندىرۋگە ينۆەستيتسيا سالۋ جاتادى.