سۋ تۋرالى ءسىز بىلمەيتىن دەرەكتەر

نۇر-سۇلتان. قازاقپارات - سۋ - تىرشىلىكتىڭ كوزى. ونسىز ادام بالاسىنىڭ ءومىر ءسۇرۋى مۇمكىن ەمەس.

الەمنىڭ جارتىسىنان كوپ بولىگىن سۋ قورشاپ تۇر. عارىش الەمىنەن قاراساڭىز دا، جەردىڭ كوك تۇسپەن كومكەرىلىپ جاتاتىنى سول سەبەپتى. كۇندەلىكتى قولدانىپ جۇرگەن سۋىمىز قاراپايىم ءارى قاجەتسىز بولىپ كورىنۋى مۇمكىن، دەگەنمەن ونىڭ دا سۇراۋى بار.

1. سۋ (h2o ) - حيميالىق قوسپا. ءبىراق سۋ جان-جاقتى قامتىلعان سۇيىقتىق. سوندىقتان ناعىز تابيعي ءارى ءمولدىر تازا سۋدى تابۋ مۇمكىن ەمەس. سۋ جولىندا كەزدەسكەن زاتتارمەن بىرىگىپ، قوسپاعا اينالىپ كەتەدى. سونىڭ ەسەبىندە ادام تازا سۋ ەمەس، قوسپالارمەن تۇزىلگەن سۋدى پايدالاندى. ايتا كەتۋ كەرەك، ءبىزدىڭ جەر شارىندا عانا سۋ ءۇش كۇيدە كەزدەسەدى: سۇيىق، قاتتى جانە گاز تۇرىندە.

2. ادام سۋسىز ءومىر سۇرە المايدى. ءبىزدىڭ دەنەمىزدىڭ `-70 سۋدان تۇراتىنى وسىعان دالەل. ال بالالاردا - �. سۋ تىرشىلىك كوزى رەتىندە اعزادا الار ورنى ەرەكشە. سەبەبى سۋدىڭ مىندەتىنە جاسۋشالارعا قۇنارلى زاتتاردى جەتكىزۋ، دارۋمەندەر مەن ميكروەلەمەنتتەردى تاسىمالداۋ جانە تىنىس الۋ قىزمەتىنە تىكەلەي قاتىسۋ كىرەدى. عالىمدار ادام بويىنداعى سۋدىڭ مولشەرىن %2- عا ازايتىپ جىبەرسە، ادامنىڭ فيزيكالىق جانە اقىل كۇشى 20 پايىزعا تومەندەپ كەتەتىنىن دالەلدەدى.

3. سۋدىڭ ادام ءۇشىن پايداسىن سوزبەن جەتكىزۋ مۇمكىن ەمەس. بار-جوعى 1-2 كەسە سۋ كۇيزەلىس پەن شارشاعاندى باسادى. جىلىنا ءبىر رەت تەڭىزگە بارىپ دەمالۋدىڭ سىرى وسىندا جاتىر. سۋعا شومىلىپ تۇرۋ ارقىلى ءسىز جۇرەك تالماسىنان ارىلاسىز، قان قىسىمىنىڭ الدىن الاسىز.

4. يۋگوسلاۆيادا وتە ەرەكشە وزەن بار. وزەن جاز جانە قىس مەزگىلىندە مۇلدە سۋ بولماعانداي جوق بولىپ، تارتىلىپ قالادى دا كوكتەم مەن كۇز مەزگىلىندە بالىققا تولى ارنا سالىپ اعادى.

5. انتاركتيدا تۇز مولشەرى عالامداعى سۋدىڭ تۇز مولشەرىنەن ون ءبىر ەسە كوپ وزەن بار. ونىڭ تۇزدىلىعى سونشا -50 گرادۋستاعى ايازدا سۋ استىندا توڭبايسىز.

massaget.kz