قازىر ەپيدەميولوگيالىق جاعدايدىڭ تۇراقتانۋىنا بايلانىستى بارلىق شەكتەۋ شارالارى الىنىپ تاستالدى.
«بۇل اۋىز اشار كەزىندە ادامداردىڭ كوپتەپ جينالۋىنا مۇمكىندىك بەرەدى. ءبىراق، ءوزىڭىزدىڭ جانە جاقىندارىڭىزدىڭ قاۋىپسىزدىگى ءۇشىن ك ۆ ي- ءدىڭ قاراپايىم الدىن الۋ شارالارى تۋرالى ۇمىتپاڭىز. ورازالارىڭىز قابىل بولسىن» دەلىنگەن دەپارتامەنت تاراتقان حابارلامادا.
سونىمەن قاتار، ماماندار تاماقتان ۋلانۋدان جانە ءجىي اۋرۋلارىنان قورعانۋ ءۇشىن ءبىرقاتار كەڭەس ۇسىنادى. اتاپ ايتقاندا:
- جارامدىلىق مەرزىمى وتكەن، تاڭباسى انىق ەمەس نەمەسە جوق، ىدىستا دەفورماتسيا جانە بومباج بەلگىلەرى بار تاماق ونىمدەرىن رۇقسات ەتىلمەگەن ساۋدا ورىندارىنان الماۋ كەرەك؛
- ەگەر ىدىستىڭ بۇتىندىگىنىڭ بۇزىلۋ بەلگىلەرى بولسا، مۇزداتىلعان ازىق- تۇلىكتى ساتىپ الماڭىز؛
- تەز بۇزىلاتىن تاعامدار مەن دايىن سالاتتاردى بولمە تەمپەراتۋراسىندا 2 ساعاتتان ارتىق ساقتاماڭىز، سەبەبى بۇل باكتەريالار مەن توكسيندەردىڭ جينالۋىنا اكەلۋى مۇمكىن؛
- رەسپيراتورلىق جانە اسقازان- ىشەك اۋرۋلارىنىڭ بەلگىلەرى بار ناۋقاستاردىڭ تاماق دايىنداۋىنا جول بەرمەڭىز؛
- ۇيدە جەكە گيگيەنا ەرەجەلەرىن جانە ىستىق، سۋىق تاعامداردى دايىنداۋ تەحنولوگياسىن، تاماق ونىمدەرىنىڭ، اسىرەسە، تەز بۇزىلاتىن جانە شيكى ونىمدەردىڭ جارامدىلىق مەرزىمى مەن ساقتاۋ شارتتارىن ساقتاۋ كەرەك، سونداي- اق دايىن تاعامدى بولەك ساقتاۋ قاجەت؛
- شيكى جانە دايىن ونىمدەرگە بولەك پىشاق پەن تاقتاي پايدالانىڭىز؛
- كوكونىس، جەمىس- جيدەكتەردى اعىندى سۋ استىندا، ال بالالار ءۇشىن قايناعان سۋمەن مۇقيات جۋىڭىز؛
- سالاتتار، تارتىلعان ەت ونىمدەرىن از مولشەردە دايىنداپ، تاعامداردى ءبىر كۇننەن ارتىق ساقتاماڭىز؛
- جاڭا دايىندالعان تاعامدى الدىڭعى كۇننىڭ قالدىقتارىمەن ارالاستىرماڭىز. ەگەر دايىن تاعام كەلەسى كۇنگە قالسا، ونى قولدانار الدىندا تەرميالىق وڭدەۋدەن وتكىزۋ كەرەك (قايناتىڭىز نەمەسە قۋىرىڭىز) ؛
- تاعامداردى، اسىرەسە ەت، قۇس ەتى، جۇمىرتقا جانە تەڭىز ونىمدەرىن مۇقيات قۋىرىڭىز نەمەسە قايناتىڭىز؛
- تورتتاردى توڭازىتقىشتا ساقتاڭىز، سونىمەن قاتار بۇل تەز بۇزىلاتىن تاعام ەكەنىن ۇمىتپاڭىز؛
- سۋ ىشۋگە جانە تاماق دايىنداۋعا سۇزىلگەن سۋدى پايدالانىڭىز.